(વાણિજ્ય પ્રતિનિધિ તરફથી)
નવી મુંબઈઃ સ્થાનિક જથ્થાબંધ ખાંડ બજારમાં આજે સ્ટોકિસ્ટોની નવી લેવાલીનો અભાવ અને રિટેલ સ્તરની માગ નિરસ માગ અને રિટેલ સ્તરની લેવાલી છૂટીછવાઈ ખપપૂરતી જળવાઈ રહી હતી.
જોકે, આજે હાજરમાં સ્મોલ ગે્રડની ખાંડમાં નિરસ માગ અને અમુક માલની ગુણવત્તા નબળી આવી હોવાથી તેના ભાવમાં ઉપલા મથાળેથી ક્વિન્ટલે રૂ. 30નો ઘટાડો આવ્યો હતો, જ્યારે મિડિયમ ગે્રડની ખાંડમાં ટકેલું વલણ રહ્યું હતું. તેમ જ આજે નાકા ડિલિવરી ધોરણે ઔદ્યોગિક વપરાશકારો તથા સ્થાનિક ડીલરોની માગ ખપપૂરતી રહેતાં ભાવમાં કિલોદીઠ રૂ. 10નો ઘટાડો આવ્યો હતો.
બજારનાં સાધનોના જણાવ્યાનુસાર આજે સ્થાનિકમાં અંદાજે 28થી 29 ટ્રકની આવક સામે સ્ટોકિસ્ટોની નવી લેવાલીનો અભાવ અને રિટેલ સ્તરની માગ ખપપૂરતી રહેતાં ઉપાડ લગભગ 27થી 28 ટ્રકનો રહ્યો હતો.
આપણ વાચો: ઑક્ટોબરથી ડિસેમ્બરમાં ખાંડનું ઉત્પાદન 23.43 ટકા વધ્યુંઃ એનએફસીએસએફ
જોકે, આજે સ્મોલ ગે્રડની ખાંડમાં નિરસ માગ ઉપરાંત અમુક માલની ગુણવત્તા પણ નબળી આવી હોવાથી તેના ભાવમાં ઉપલા મથાળેથી ક્વિન્ટલે રૂ. 30નો ઘટાડો આવ્યો હતો અને રૂ. 3772થી 3832ના મથાળે રહ્યા હતા, જ્યારે મિડિયમ ગે્રડની ખાંડમાં માગને ટેકે ભાવ ક્વિન્ટલે રૂ. 3882થી 3972ના મથાળે ટકેલા રહ્યા હતા.
વધુમાં આજે નાકા ડિલિવરી ધોરણે ઔદ્યોગિક વપરાશકારો તથા સ્થાનિક ડીલરોની માગ છૂટીછવાઈ રહેતાં ભાવમાં ક્વિન્ટલે રૂ. 10નો ઘટાડો આવ્યો હતો, જેમાં સ્મોલ તથા મિડિયમ ગે્રડની ખાંડના વેપાર અનુક્રમે ક્વિન્ટલે રૂ. 3700થી 3760માં અને રૂ. 3790થી 3820માં ટકેલા ધોરણે થયા હોવાનું સૂત્રોએ જણાવ્યું હતું.
