(વાણિજ્ય પ્રતિનિધિ તરફથી)
મુંબઈઃ મહારાષ્ટ્રની ખાંડ મિલો પર આજે સ્મોલ ગે્રડની ખાંડમાં સ્થાનિક તેમ જ દેશાવરોની માગ છૂટીછવાઈ રહેતાં મથકો પર ટેન્ડરોમાં વેપાર નીચલા મથાળેથી ક્વિન્ટલે રૂ. 10ના ઘટાડા સાથે રૂ. 3720થી 3760માં થયાના અહેવાલ હતા. જોકે, સ્થાનિક જથ્થાબંધ ખાંડ બજારમાં આજે સપ્તાહના અંતે સ્ટોકિસ્ટોની છૂટીછવાઈ લેવાલી ઉપરાંત રિટેલ સ્તરની માગને ટેકે ભાવમાં ક્વિન્ટલે રૂ. 10થી 12નો સુધારો આવ્યો હતો, જ્યારે નાકા ડિલિવરી ધોરણે માગ અનુસાર મિશ્ર વલણ રહેતાં સ્મોલ ગે્રડની ખાંડમાં ઉપલા મથાળેથી રૂ. 30નો સુધારો અને મિડિયમ ગે્રડની ખાંડમાં નીચલા મથાળેથી ક્વિન્ટલે રૂ. 10નો ઘટાડો અને ઉપલા મથાળેથી રૂ. 70નો સુધારો જોવા મળ્યો હતો.
બજારનાં સાધનોના જણાવ્યાનુસાર આજે સ્થાનિકમાં અંદાજે 28થી 29 ટ્રકની આવક સામે સ્ટોકિસ્ટોની છૂટીછવાઈ લેવાલી ઉપરાંત રિટેલ સ્તરની માગને ટેકે ઉપાડ લગભગ 27થી 28 ટ્રકનો રહ્યો હતો. જોકે, આજે સ્મોલ ગે્રડની ખાંડમાં અમુક માલની ગુણવત્તા સાધારણ નબળી આવી હોવાથી ભાવમાં નીચલા મથાળેથી ક્વિન્ટલે રૂ. બેનો ઘટાડો જોવા મળ્યો હતો, પરંતુ એકંદરે માગ જળવાઈ રહેતાં ઉપલા મથાળેથી ભાવ ક્વિન્ટલે રૂ. 10 વધી આવતા વેપાર રૂ. 3902થી 3972માં ગુણવત્તાનુસાર ધોરણે થયા હતા. વધુમાં આજે નાકા ડિલિવરી ધોરણે માગને ટેકે વેપાર નીચલા મથાળેથી ક્વિન્ટલે રૂ. 12ના સુધારા સાથે રૂ. 3972થી 4072માં થયા હતા.
વધુમાં આજે નાકા ડિલિવરી ધોરણે ઔદ્યોગિક વપરાશકારોની માગ તેમ જ માલની ગુણવત્તાનુસાર મિશ્ર વલણ રહેતાં સ્મોલ ગે્રડની ખાંડના વેપાર ઉપલા મથાળેથી ક્વિન્ટલે રૂ. 30ના સુધારા સાથે રૂ. 3810થી 3880માં અને મિડિયમ ગે્રડની ખાંડના વેપાર નીચલા મથાળેથી ક્વિન્ટલે રૂ. 10ના ઘટાડા અને ઉપલા મથાળેથી રૂ. 70ના સુધારા સાથે રૂ. 3840થી 3970માં થયાના અહેવાલ હતા.
આ પણ વાંચો…મહારાષ્ટ્રની 170 ખાંડ મિલોએ પિલાણ શરૂ કર્યું
