(વાણિજ્ય પ્રતિનિધિ તરફથી)
નવી મુંબઈઃ મહારાષ્ટ્રની ખાંડ મિલો પર ગઈકાલે સ્થાનિક તેમ જ દેશાવરોની માગને ટેકે સ્મોલ ગે્રડની ખાંડનાં ટેન્ડરોમાં વેપાર ક્વિન્ટલે રૂ. 3740થી 3770માં ગુણવત્તાનુસાર ટકેલા ધોરણે થયાના અહેવાલ હતા.
જોકે, આજે સ્થાનિક જથ્થાબંધ ખાંડ બજારમાં સ્ટોકિસ્ટોની છૂટીછવાઈ લેવાલી ઉપરાંત રિટેલ સ્તરની એકંદરે માગ જળવાઈ રહેતાં હાજરમાં મિશ્ર વલણ જોવા મળ્યું હતું, જેમાં સ્મોલ ગે્રડની ખાંડના ભાવ ટકેલા રહ્યા હતા અને મિડિયમ ગે્રડની ખાંડમાં નીચા મથાળેથી ક્વિન્ટલે રૂ. આઠનો ઘટાડો અને ઉપલા મથાળેથી રૂ. 10નો સુધારો જોવા મળ્યો હતો. તેમ જ આજે નાકા ડિલિવરી ધોરણે ઔદ્યોગિક વપરાશકારોની માગને ટેકે ભાવમાં ટકેલું વલણ રહ્યું હતું.
બજારનાં સાધનોના જણાવ્યાનુસાર આજે સ્થાનિકમાં અંદાજે 28થી 29 ટ્રકની આવક સામે સ્ટોકિસ્ટોની છૂટીછવાઈ લેવાલી ઉપરાંત રિટેલ સ્તરની માગને ટેકે ઉપાડ લગભગ 27થી 28 ટ્રકનો રહ્યો હતો. જોકે, માલની ગુણવત્તાને ધ્યાનમાં લેતા સ્મોલ ગે્રડની ખાંડના વેપાર ક્વિન્ટલે રૂ. 3936થી 3982માં ટકેલા ધોરણે થયા હતા, જ્યારે મિડિયમ ગે્રડની ખાંડના વેપાર નીચલા મથાળેથી ક્વિન્ટલે રૂ. આઠના ઘટાડા અને ઉપલા મથાળેથી રૂ. 10ના સુધારા સાથે રૂ. 3970થી 4082માં થયા હતા.
વધુમાં આજે નાકા ડિલિવરી ધોરણે ઔદ્યોગિક વપરાશકારો તથા સ્થાનિક ડીલરોની માગને ટેકે સ્મોલ ગે્રડની ખાંડના વેપાર ક્વિન્ટલે રૂ. 3835થી 3870માં અને મિડિયમ ગે્રડની ખાંડના વેપાર ક્વિન્ટલે રૂ. 3870થી 3910માં ગુણવત્તાનુસાર ટકેલા ધોરણે થયાના અહેવાલ હતા.
