એચડીબી ફાઇનાન્સિયલ સર્વિસીસનો આઈપીઓ ખુલ્યો, જાણો પ્રાઇસ બેન્ડ અને જીએમપી

મુંબઈ : દેશની સૌથી મોટી પ્રાઇવેટ બેંક એચડીએફસી બેંકની પેટાકંપની એચડીબી ફાઇનાન્શિયલ સર્વિસીસનો આઈપીઓ 25 જૂનના રોજ ખૂલ્યો છે. જોકે, આ આઈપીઓ ખુલતા પૂર્વે જ તેના શેર પ્રાઇમરી માર્કેટમાં ધમાલ મચાવી રહ્યા છે. ગ્રે માર્કેટમાં તેના શેર 9 ટકા પ્રીમિયમ પર ટ્રેડ થઈ રહ્યા હતા.

પ્રતિ શેર 700-740 રૂપિયાનો પ્રાઇસ બેન્ડ

એચડીબી ફાઇનાન્શિયલ સર્વિસીસે આ આઈપીઓ દ્વારા 12,500 કરોડ રૂપિયા એકત્ર કરવાની યોજના બનાવી છે. કંપનીએ આ માટે પ્રતિ શેર 700-740 રૂપિયાનો પ્રાઇસ બેન્ડ નક્કી કર્યો છે. રિટેલ રોકાણકારોએ ઓછામાં ઓછા 20 શેર એટલે કે 14,800 રૂપિયાનું રોકાણ કરવું પડશે. જ્યારે મહત્તમ 260 શેર અથવા 1,92,400 રૂપિયાની બોલી લગાવી શકાય છે. જ્યારે બિડિંગ 27 જૂન 2025 સુધી કરી શકાય છે.

એચડીબી ફાઇનાન્શિયલ સર્વિસીસમાં 94.36 ટકા હિસ્સો

એચડીએફસી બેંક એચડીબી ફાઇનાન્શિયલ સર્વિસીસમાં 94.36 ટકા હિસ્સો ધરાવે છે. આ આઈપીઓ દ્વારા, કંપની રૂપિયા 2,500 કરોડની નવી ઇક્વિટી ઇસ્યુ કરશે. જ્યારે એચડીએફસી બેંક રૂપિયા 10,000 કરોડની ઓફર ફોર સેલ (OFS)દ્વારા તેનો હિસ્સો ઘટાડશે. આઈપીઓમાંથી મળેલા નાણાંથી કંપની તેની ટાયર-1 મૂડી વધારશે. આ ભવિષ્યમાં ધિરાણ વ્યવસાયનો વિસ્તાર કરશે.

આ પણ વાંચો…મુંબઈની રિયલ એસ્ટેટ કંપની કલ્પતરુનો આઈપીઓ આજે ખૂલ્યો, જાણો પ્રાઇસ બેન્ડ સહિતની વિગતો