(વાણિજ્ય પ્રતિનિધિ તરફથી)
મુંબઈઃ શિકાગો ખાતે સોયાતેલના વાયદામાં ગઈકાલે 89 સેન્ટનો સુધારો આવ્યો હોવાના ઓવરનાઈટ અહેવાલ હતા. જોકે, આજે સ્થાનિક જથ્થાબંધ ખાદ્યતેલ બજારમાં હાજર, ડાયરેક્ટ ડિલિવરી તેમ જ સેલરિસેલ ધોરણે કામકાજો પાંખાં રહ્યા હોવાથી હાજર ભાવમાં ટકેલું વલણ રહ્યું હતું.
બજારનાં સાધનોના જણાવ્યાનુસાર આજે સ્થાનિકમાં ડાયરેક્ટ ડિલિવરી શરતે શિકાગોના પ્રોત્સાહક અહેવાલે ભાવમાં ધીમો સુધારો જોવા મળ્યો હતો. જેમાં 10 કિલોદીઠ એડબ્લ્યુએલના આરબીડી પામોલિનના રૂ. 1235, સોયા રિફાઈન્ડના રૂ. 1265 અને સન રિફાઈન્ડના રૂ. 1505, રિલાયન્સ ક્નઝ્યુમરનાં સોયા રિફાઈન્ડના ડિસેમ્બર ડિલિવરી શરતે રૂ. 1285 અને સન રિફાઈન્ડના ડિસેમ્બર તથા જાન્યુઆરી ડિલિવરી શરતે રૂ. 1485, મહેશ ઑઈલના સોયા રિફાઈન્ડના નવેમ્બર ડિલિવરી શરતે રૂ. 1255, એવીઆઈના સોયા રિફાઈન્ડના 29મી નવેમ્બરથી 6 ડિસેમ્બર સુધી ડિલિવરી શરતે રૂ. 1250, ગોકુલ એગ્રોના આરબીડી પામોલિનના ડિસેમ્બર ડિલિવરી શરતે રૂ. 1235, પતંજલિ ફૂડ્સના આરબીડી પામોલિનના ડિસેમ્બર ડિલિવરી શરતે રૂ. 1245 અને જાન્યુઆરી ડિલિવરી શરતે રૂ. 1248 તથા જી-વનના આરબીડી પામોલિનના રૂ. 1215 અને સોયા રિફાઈન્ડના રૂ. 1245 ક્વૉટ થઈ રહ્યા હતા, પરંતુ વેપાર નહોતા.
આ પણ વાંચો: ખાદ્યતેલમાં સાંકડી વધઘટે ટકેલું વલણ સરકાર ક્રૂડ અને રિફાઈન્ડ તેલ પરની આયાત જકાત વધારે તેવી શક્યતા
દરમિયાન હાજરમાં આજે વિવિધ દેશી-આયાતી ખાદ્યતેલના 10 કિલોદીઠ ભાવમાં આરબીડી પામોલિનના રૂ. 1245, સોયા રિફાઈન્ડના રૂ. 1275, સન રિફાઈન્ડના રૂ. 1475, સિંગતેલના રૂ. 1560, કપાસિયા રિફાઈન્ડના રૂ. 1300 અને સરસવના રૂ. 1510ના મથાળે રહ્યા હતા. જ્યારે ગુજરાતનાં મથકો પર સિંગતેલમાં તેલિયા ટીનના વેપાર 15 કિલોદીઠ રૂ. 2430માં અને લૂઝમાં 10 કિલોદીઠ રૂ. 1525માં ટકેલા ધોરણે થયા હતા.
