(વાણિજ્ય પ્રતિનિધિ તરફથી)
મુંબઈઃ મલયેશિયાના બુર્સા મલયેશિયા ડેરિવેટીવ્સ એક્સચેન્જ ખાતે આજે ક્રૂડ પામતેલના વાયદામાં 39 રિંગિટનો ઘટાડો આવ્યો હતો, જ્યારે ગઈકાલે શિકાગો ખાતે સોયાતેલના વાયદામાં 64 સેન્ટ વધી આવ્યાના ઓવરનાઈટ અહેવાલ હતા. જોકે, આજે આ અહેવાલ લખાઈ રહ્યો છે ત્યારે વાયદાના પ્રોજેક્શનમાં 72 પૉઈન્ટનો ઘટાડો દર્શાવાઈ રહ્યો હતો.
આમ વૈશ્વિક મિશ્ર અહેવાલ સાથે સ્થાનિક જથ્થાબંધ ખાદ્યતેલ બજારમાં હાજર, ડાયરેક્ટ ડિલિવરી તેમ જ સેલરિસેલ ધોરણે કામકાજો ખપપૂરતા રહેતાં આયાતી તેલના ભાવમાં સાંકડી વધઘટે ટકેલું વલણ રહ્યું હતું, જ્યારે દેશી તેલમાં માત્ર સરસવમાં મથકો પાછળ 10 કિલોદીઠ રૂ. 10ના ઘટાડાને બાદ કરતાં અન્ય તેલમાં ટકેલું વલણ રહ્યું હતું.
આજે સ્થાનિકમાં ડાયરેક્ટ ડિલિવરી શરતે 10 કિલોદીઠ ઈમામીના આરબીડી પામોલિનના રૂ. 1270 અને સન રિફાઈન્ડના રૂ. 1445, ગોકુલ એગ્રોના ડિસેમ્બર ડિલિવરી શરતે આરબીડી પામોલિનના રૂ. 1300 અને સોયા રિફાઈન્ડના રૂ. 1275, પતંજલિ ફૂડ્સના આરબીડી પામોલિનના રૂ. 1290, રિલાયન્સ ક્નઝ્યુમરનાં નવેમ્બર ડિલિવરી શરતે સોયા રિફાઈન્ડના રૂ. 1310 અને સન રિફાઈન્ડના રૂ. 1475 તથા જી-વનના આરબીડી પામોલિનના રૂ. 1251 અને સોયા રિફાઈન્ડના રૂ. 1235 ક્વૉટ થઈ રહ્યા હતા.
તેમ જ છૂટાછવાયા વેપારો પણ ગોઠવાયા હતા. વધુમાં આજે ભારત ફૂડ્સની સોયા રિફાઈન્ડમાં 10 કિલોદીઠ રૂ. 1225ના મથાળે બાયબેકમાં લેવાલી નીકળી હોવાના અહેવાલ હતા. સ્થાનિકમાં ડાયરેક્ટ ડિલિવરી શરતે 10 કિલોદીઠ ઈમામીના આરબીડી પામોલિનના રૂ. 1270 અને સન રિફાઈન્ડના રૂ. 1445, ગોકુલ એગ્રોના ડિસેમ્બર ડિલિવરી શરતે આરબીડી પામોલિનના રૂ. 1300 અને સોયા રિફાઈન્ડના રૂ. 1275, પતંજલિ ફૂડ્સના આરબીડી પામોલિનના રૂ. 1290, રિલાયન્સ ક્નઝ્યુમરનાં નવેમ્બર ડિલિવરી શરતે સોયા રિફાઈન્ડના રૂ. 1310 અને સન રિફાઈન્ડના રૂ. 1475 તથા જી-વનના આરબીડી પામોલિનના રૂ. 1251 અને સોયા રિફાઈન્ડના રૂ. 1235 ક્વૉટ થઈ રહ્યા હતા.
તેમ જ છૂટાછવાયા વેપારો પણ ગોઠવાયા હતા. વધુમાં આજે ભારત ફૂડ્સની સોયા રિફાઈન્ડમાં 10 કિલોદીઠ રૂ. 1225ના મથાળે બાયબેકમાં લેવાલી નીકળી હોવાના અહેવાલ હતા. આજે ગુજરાતમાં ગોંડલ મથકે ગઈકાલની શેષ મગફળીની 70,000 ગૂણીની આવક હતી, જ્યારે રાજકોટ મથકે 55,000 ગૂણીની આવક સામે બન્ને મંડીમાં વેપાર મણદીઠ રૂ. 950થી 1265માં થયાના અહેવાલ હતા.
વધુમાં આજે મધ્ય પ્રદેશનાં મથકો પર ત્રણ લાખ ગૂણી સોયાસીડની આવક સામે મંડીમાં વેપાર ક્વિન્ટલે રૂ. 3500થી 4400માં અને પ્લાન્ટ ડિલિવરી શરતે રૂ. 4250થી 4350માં થયાના અહેવાલ હતા. આજે હાજરમાં વિવિધ દેશી-આયાતી તેલના 10 કિલોદીઠ ભાવમાં આરબીડી પામોલિનના રૂ. 1290, સોયા રિફાઈન્ડના રૂ. 1285, સન રિફાઈન્ડના રૂ. 1475, સિંગતેલના રૂ. 1410, કપાસિયા રિફાઈન્ડના રૂ. 1315 અને સરસવના રૂ. 1505ના મથાળે રહ્યા હતા, જ્યારે ગુજરાતનાં મથકો પર આજે સિંગતેલમાં તેલિયા ટીનના વેપાર 15 કિલોદીઠ રૂ. 2205માં અને લૂઝમાં 10 કિલોદીઠ રૂ. 1375માં ટકેલા ધોરણે થયા હોવાનું સૂત્રોએ જણાવ્યું હતું.
