ધનતેરસ પર બુધ કરશે ગોચર, ચાર રાશિના જાતકોને થશે અપરંપાર લાભ…
પ્રકાશના પર્વ તરીકે ઓળખાતા દિવાળીની શરુઆત થઈ ગઈ છે અને આવતીકાલે ધનતેરસના દિવસે ગ્રહોના રાજકુમાર બુધ ગોચર કરીને લક્ષ્મી નારાયણ રાજયોગ બનાવશે. જેને કારણે અમુક રાશિના જાતકોને વિશેષ લાભ થઈ રહ્યો છે. આ રાશિના જાતકોને ધનલાભ થવાની સાથે સાથે જ પ્રગતિ, સફળતા અને જીવનમાં સુખ-સમૃદ્ધિ આવશે, આ રાશિના જાતકોની આવકમાં વૃદ્ધિ થશે, ચાલો જોઈએ કઈ છે આ ભાગ્યશાળી રાશિઓ કે જેમને બુધના ગોચરથી લાભ થઈ રહ્યો છે-
મિથુનઃ
મિથુન સમયગાળો સારો રહેશે. ખિસ્સામાં પૈસાની રેલમછેલ રહેશે. જીવનમાં સુખ-સમૃદ્ધિ આવશે. અટકી પડેલાં કામ પણ પૂરા થઈ રહ્યા છે. સંતાન તરફથી પણ સારા સમાચાર સાંભળવા મળશે. વૈવાહિક જીવનમાં મિઠાશ જળવાઈ રહેશે. બિઝનેસમાં કોઈ મોટી ડિલ ફાઈનલ કરશો.
કર્કઃ
કર્ક રાશિના જાતકોના જીવનમાં બુધનું ગોચર સફળતા લઈને આવશે. વિદ્યાર્થીઓને અભ્યાસના બોજમાંથી રાહત મળશે. આ રાશિના જાતકો પર મા લક્ષ્મીની વિશેષ કૃપા જોવા મળશે. અટકી પડેલાં કામ પૂરા થશે. લગ્નજીવનમાં ખુશહાલી આવશે. કોઈ અલૌકિક શક્તિની પ્રાપ્તિ થશે. બીજાનું સારું કરશો ભવિષ્યમાં તેના સારા ફળ મળશે.
તુલાઃ
તુલા રાશિના જાતકોને બુધના ગોચરથી આર્થિક લાભ થશે. બિઝનેસમાં પણ મોટો નફો થશે. સાસરિયાઓ તરફથી કોઈ સારા સમાચાર સાંભળવા મળશે. મિત્રો તરફથી મદદ મળશે. શેરબજાર, સટ્ટામાં પૈસા રોકશો તો નફો થશે. મા લક્ષ્મીની કૃપા વરસશે.
મીનઃ
મીન રાશિના જાતકોને આ સમયે ભાગ્યનો પૂરેપૂરો સાથ મળશે. બિઝનેસમાં કે કામના સ્થળે થોડી મુશ્કેલીનો સામનો કરવો પડશે. વિદેશ જવાના યોગ બની રહ્યા છે. કોઈ પર પણ વધારે વિશ્વાસ કરવાનું ટાળો, નહીં તો નુકસાન થશે. તમારા દુશ્મનો તમારા કામમાં અવરોધ ઊભો કરવાના પ્રયાસ કરશે, પણ તમે એમાંથી સરળતાથી બહાર આવશો.
