સુપ્રીમ કોર્ટે 2012ના 2G સ્પેક્ટ્રમ ફાળવણી મામલે સરકારની અરજી સ્વીકારવાનો કર્યો ઇનકાર
![The Supreme Court refused to accept the government's plea in the 2012 2G spectrum allocation case](https://bombaysamachar.com/wp-content/uploads/2024/05/Jignesh-MS-2024-05-01T195910.827.jpg)
નવી દિલ્હી: સુપ્રીમ કોર્ટના રજિસ્ટ્રારે 2જી સ્પેક્ટ્રમ ફાળવણી અંગેના તેના 2012ના નિર્ણયની “સ્પષ્ટતા” માટેની સરકારી અરજી સ્વીકારવાનો ઇનકાર કર્યો છે.
” આ સેન્ટર ફોર પબ્લિક ઇન્ટરેસ્ટ લિટિગેશનના ચુકાદાના સંદર્ભમાં આ માનનીય કોર્ટ પાસેથી યોગ્ય સ્પષ્ટતા માંગવા માટે આ અરજી દાખલ કરવામાં આવી છે, જેથી સ્પેક્ટ્રમ અસાઇનમેન્ટ ફ્રેમવર્ક તૈયાર કરી શકાય જેમાં યોગ્ય કેસોમાં હરાજી સિવાયની અસાઈન્મેન્ટની પદ્ધતિઓનો સમાવેશ થાય છે, જેથી સામાન્ય લોકોના કલ્યાણ માટે શ્રેષ્ઠ સેવા પૂરી પાડી શકાય” સરકારની અરજી ગયા વર્ષે 12 ડિસેમ્બરે દાખલ કરવામાં આવી હતી. ગયા અઠવાડિયે કોર્ટમાં તેનો ઉલ્લેખ કરવામાં આવ્યો હતો અને તે આ અઠવાડિયે સુનાવણી માટે આવે તેવી શક્યતા હતી.
તે અરજીમાં કહેવામાં આવ્યું છે કે વહીવટી સોંપણીની તમામ બાબતો એ શરતને આધીન છે કે તેઓ “અંતિમ નહીં પરંતુ કેવળ વચગાળાના અને કામચલાઉ તરીકે ગણવામાં આવશે; “આ બાબતમાં કિંમત અને નીતિ તે સરકારના અંતિમ નિર્ણયને આધીન છે.”
અરજીમાં સરકારે 2જી કેસમાં સુપ્રીમ કોર્ટ પાસેથી કેટલીક સ્પષ્ટતા માંગી હતી જેથી વહીવટી ફાળવણીની પ્રક્રિયા ચાલુ રાખી શકાય.
રજિસ્ટ્રારે એવું કહીંને અરજીને ધ્યાનમાં લેવાનો ઇનકાર કર્યો હતો કે સરકાર સ્પષ્ટતા માંગવાના આડમાં 2012ના આદેશની સમીક્ષા માંગી રહી છે. જેમાં કહેવામાં આવ્યું કે અરજી “ખોટી ધારણા” છે અને ખાસ કરીને આટલા લાંબા સમય પછી, તેને ધ્યાનમાં લેવાનું કોઈ “યોગ્ય કારણ” નથી.
રજિસ્ટ્રારે કહ્યું કે તે સ્પષ્ટ છે કે સરકાર વર્તમાનમાં અરજી દાખલ કરવાની આડમાં સુપ્રીમ કોર્ટ દ્વારા આપવામાં આવેલા આદેશની સમીક્ષા કરવા માંગે છે.
ઉલ્લેખનીય છે કે વર્ષ 2012 માં, સુપ્રીમ કોર્ટે સ્પેક્ટ્રમ ફાળવણી માટે ‘પહેલા આવો, પહેલા મેળવો’ સિસ્ટમની ટીકા કરી હતી. જેને સેન્ટર ફોર પબ્લિક ઈન્ટરેસ્ટ લિટીગેશનના ચુકાદા તરીકે ઓળખવામાં આવે છે, સુપ્રીમ કોર્ટે યુનાઈટેડ પ્રોગ્રેસિવ એલાયન્સ સરકાર દ્વારા ફાળવવામાં આવેલ 2જી સ્પેક્ટ્રમને રદ કરી દીધું હતું.