“મેરા ભારત, મેરા પરિવાર,”: મોદીનો વિપક્ષને જવાબ
આદિલાબાદ: વિરોધ પક્ષો પર વળતો પ્રહાર કરતા વડા પ્રધાન નરેન્દ્ર મોદીએ સોમવારે “મેરા ભારત, મેરા પરિવાર” કહ્યું હતું કે સમગ્ર ભારત તેમનો પરિવાર છે અને તેમનું જીવન “ખુલ્લી પુસ્તક” જેવું છે.
દેશના લોકો પ્રત્યેની તેમની પ્રતિબદ્ધતાનો પુનરોચ્ચાર કરતાં તેમણે કહ્યું કે, તેમણે લોકોની સેવા કરવાના સ્વપ્ન સાથે નાની ઉંમરે ઘર છોડ્યું હતું.
આ જિલ્લામાં સારી રીતે હાજરી આપેલ જાહેર રેલીને સંબોધતા, વડા પ્રધાને એમ પણ કહ્યું હતું કે તેમણે પોતાને “સેવક” તરીકે લોક કલ્યાણ માટે સમર્પિત કર્યા છે.
તેમણે વધુમાં કહ્યું કે વિપક્ષે કહ્યું કે મારો કોઈ પરિવાર નથી, પણ આ દેશના 140 કરોડ લોકો મારો પરિવાર છે. મેરા ભારત મેરા પરિવાર. મારું જીવન એક ખુલ્લી કિતાબ જેવું છે. દેશના લોકો તેના વિશે જાણે છે.
દેશમાં “પારિવારિક પક્ષો” પર હુમલો કરતા, તેમણે કહ્યું કે તેઓના અલગ અલગ ચહેરા હોઈ શકે છે, પરંતુ “ઝૂઠ અને લૂંટ”ની નીતિ તેમની સમાનતા છે.
મોદીએ વધુમાં કહ્યું હતું કે જ્યારે “ટીઆરએસ બીઆરએસ બની હતી,” તેમાં તેલંગણા માટે દેખીતી રીતે કંઈપણ બદલાયું નથી. હવે કૉંગ્રેસ પ્રાદેશિક પક્ષને સત્તાધારી બનાવી રહી છે, પરંતુ કશું થવાનું નથી.
તેમણે આરોપ લગાવ્યો કે બીઆરએસએ તેના કાર્યકાળ દરમિયાન કાલેશ્વરમ લિફ્ટ સિંચાઈ પ્રોજેક્ટ જેવા કૌભાંડો' કર્યા હતા અને શાસક કૉંગ્રેસ પર કાર્યવાહી કરવાને બદલે ફાઈલો પર બેસી રહેવાનો આરોપ મૂક્યો હતો. રેલીમાં, એમણે દેશમાં છેલ્લા 15 દિવસમાં હાથ ધરાયેલા અનેક વિકાસ કાર્યોની યાદી આપી હતી અને કહ્યું હતું કે આઆત્મનિર્ભર ભારત’ ને `વિકસીત ભારત’ ને વધુ મજબૂત કરવા માટે છે. મેં રવિવારે નવી દિલ્હીમાં મારા તમામ પ્રધાનો અને ટોચના અધિકારીઓ સાથે વિકસિત ભારત માટેના એક્શન પ્લાન વિશે વિગતવાર ચર્ચા કરી હતી.
