વિમાન દુર્ઘટનામાં માર્યા ગયેલા લોકોના પરિવારોને વીમા કંપનીઓ કેટલું વળતર આપશે? આ રહી સંપૂર્ણ વિગત

અમદાવાદ: અમદાવાદમાં થયેલી દુર્ઘટના (Ahmedabad Plane Crash)માં અનેક લોકોના જીવ ગયાં છે. પરંતુ હવે પ્રશ્ન એ થઈ રહ્યો છે કે, આ મૃતકોના પરિવારને કેટલું વળતર આપવામાં આવશે? એર ઇન્ડિયા બોઇંગ 787-8 ડ્રીમલાઇનર (air india boeing 787-8 dreamliner) વિમાન દુર્ઘટના (Plane Crash) પછી એરલાઇનના માલિક ટાટા પર કોઈ નાણાકીય અસર થશે નહીં. આનું કારણ એ છે કે વિમાનનો વીમો લેવામાં આવ્યો છે અને અકસ્માતમાં માર્યા ગયેલા લોકોને વીમા કંપનીઓ તરફથી વળતર મળશે. મીડિયા રિપોર્ટ્સ પ્રમાણે એર ઇન્ડિયાએ વિમાન દુર્ઘટનાના ભોગ બનેલા લોકોના પરિવારોને લગભગ 1.5 કરોડ રૂપિયાનું વળતર ચૂકવવું પડશે.

અકસ્માતમાં માર્યા ગયેલા લોકોને વળતર આપવામાં આવશે

એર ઇન્ડિયાને વીમા કંપનીઓ તરફથી પણ વિમાન માટે વળતર મળશે. જ્યારે એરલાઇન દ્વારા વચગાળાના વળતરની જાહેરાત પણ કરી શકાય છે. મુસાફરો માટે અંતિમ વળતર 1999ના મોન્ટ્રીયલ કન્વેન્શન હેઠળ નક્કી કરવામાં આવશે. વળતરની ગણતરી SDRs નો ઉપયોગ કરીને કરવામાં આવે છે. ઓક્ટોબર 2024 સુધીમાં તે 128,821 SDRs હતું. વાસ્તવિક ચુકવણી એર ઇન્ડિયા દ્વારા ખરીદેલા કવરેજ પર આધારિત હશે.

એર ઇન્ડિયાએ 1 એપ્રિલે વીમા પોલીસ રિન્યૂ કરાવી હતી

ટાટા ગ્રુપની વીમા કંપની તેના વિદેશી ભાગીદાર, અમેરિકાના AIG સાથે આ રકમ ચૂકવશે. એર ઇન્ડિયાએ 1 એપ્રિલના રોજ બહુરાષ્ટ્રીય કંપની AIG સાથે તેની 20 બિલિયન ડોલર એટલે કે 171,000 કરોડ રૂપિયાની વીમા પોલિસી રિન્યૂ કરાવી હતી. એર ઇન્ડિયા પોલિસી માટે પ્રાથમિક વીમા કંપની છે. ટાટા AIG જનરલ ઇન્શ્યોરન્સ, ICICI લોમ્બાર્ડ જનરલ ઇન્શ્યોરન્સ, ન્યૂ ઇન્ડિયા એશ્યોરન્સ અને અન્ય PSUs જનરલ ઇન્શ્યોરન્સ કંપનીઓ છે. એરલાઇને 300 થી વધુ વિમાનોનો વીમો લેવા માટે 30 મિલિયન ડોલરનું પ્રીમિયમ ચૂકવ્યું હતું.

આ વિમાન માટે કેટલા રૂપિયાનો વીમો લેવામાં આવ્યો હતો?

હોવડેન ઇન્ડિયાના CEO અને MD અમિત અગ્રવાલે જણાવ્યું હતું કે ડ્રીમલાઇનર માટેની રકમ ઉંમર અને અન્ય પરિબળોના આધારે 211 મિલિયન ડોલરથી 280 મિલિયન ડોલરની વચ્ચે હોઈ શકે છે. સામેલ વિમાન (VT-ABN) 2013 મોડેલનું હતું અને વર્તમાન માહિતીના આધારે, 2021 માં લગભગ 115 મિલિયન ડોલરનો વીમો લેવામાં આવ્યો હતો. હવે જોવાનું એ રહે છે કે, વિમાન અને મુસાફરો માટે વીમા કંપની કેટલા રૂપિયાનું વળતર ચૂકવે છે? જો કે, ટાટા ગ્રુપ દ્વારા મૃતકોના પરિવારજનોને એક એક કરોડ રૂપિયા આપવાની જાહેરાત કરવામાં આવી છે.

આ પણ વાંચો…પ્લેન ક્રેશ મુદ્દે અમિત શાહે કહ્યું પ્રવાસીઓનો બચવાનો અવકાશ નહોતો, દેશવાસીઓ આઘાતમાં