ઓપરેશન સિંદુર બાદ ભારત પાકિસ્તાન સરહદ પણ તણાવ ઘટ્યો, જાણો શું છે સેનાની આગામી યોજના
નવી દિલ્હી : ભારતના જમ્મુ કાશ્મીરના પહલગામ આતંકવાદી હુમલાના જવાબમાં ભારતે પાકિસ્તાનને ઓપરેશન સિંદૂરથી જવાબ આપ્યો હતો. જોકે, તેની બાદ બે દેશો વચ્ચે થયેલા યુદ્ધ વિરામ બાદ સરહદ પર તણાવ ઘટ્યો છે. ત્યારે ભારતીય સેના સંપૂર્ણપણે હાઇ એલર્ટ મોડ પર છે. ત્યારે ભારત અને પાકિસ્તાન આગામી થોડા દિવસોમાં સરહદ પરથી સૈનિકો અને તમામ લશ્કરી સાધનો ઘટાડવાનું વિચારી રહ્યા છે.
ભારે સૈનિકો અને લશ્કરી સાધનો તૈનાત કર્યા
પાકિસ્તાને છેલ્લા કેટલાક અઠવાડિયામાં સરહદ પર ભારે સૈનિકો અને લશ્કરી સાધનો તૈનાત કર્યા છે અને એપ્રિલ પહેલા પરિસ્થિતિ પૂર્વવત કરશે. ભારતે છેલ્લા એક મહિનામાં મોટા પાયે સૈનિકો તૈનાત કરવાનો આદેશ આપ્યો નથી. જે શસ્ત્રો અને સૈનિકોને તેમના કાયમી પોસ્ટ પરથી ઓપરેશનલ વિસ્તારોમાં મોકલવામાં આવ્યા હતા તેમને હવે તેમના નિયમિત પોસ્ટ પર પરત મોકલવામાં આવી રહ્યા છે.
ભારત પાકિસ્તાનની ગતિવિધિઓ પર નજર રાખી રહ્યું છે
ઓપરેશન સિંદૂર દરમિયાન, સરહદ પર સૈનિકોની સંખ્યા વધારવામાં આવી હતી પરંતુ હવે તમામ પ્રતિબંધો દૂર કરવામાં આવી રહ્યા છે. વડા પ્રધાન નરેન્દ્ર મોદીએ રાષ્ટ્રને સંબોધનમાં કહ્યું હતું કે ઓપરેશન સિંદૂર હાલ પૂરતું મુલતવી રાખવામાં આવ્યું છે પરંતુ ભારત પાકિસ્તાનની ગતિવિધિઓ પર નજર રાખી રહ્યું છે.
ભારતે અનેક આતંકવાદી કેમ્પોને નિશાન બનાવ્યા
ઓપરેશન સિંદૂર પછી ભારતીય સેનાએ કહ્યું હતું કે પાકિસ્તાન અને પીઓકેમાં નિશાન બનાવવામાં આવેલા સ્થળોમાં મરકઝ સુભાન અલ્લાહ- બહાવલપુર, મરકઝ તૈયબા- મુરીદકે, સરજાલ/તેહરા કલા, મહમૂના ઝોયા ફેસિલિટી- સિયાલકોટ, મરકઝ અહલે હદીસ બરનાલા- ભીમ્બર, મરકઝ અબ્બાસ- કોટલી, મસ્કર, રાહીલ શાહિદ- કોટલી, મુઝફફાબાદના શાવઇ નાલા કૈમ અને મરકઝ સૈયદના બિલાલ સામેલ છે.
આ પણ વાંચો…ઓપરેશન સિંદુરઃ PM Modiની ‘ઓપરેશન’ પર નજર, પાકિસ્તાનની ઊંઘ હરામ