અમેરિકાએ હવે ચીનની રિફાઇનરી પર લગાવ્યો પ્રતિબંધ, ઈરાન જોડેથી ક્રૂડ ઓઇલ ખરીદવાનો આરોપ
નવી દિલ્હી : અમેરિકાના રાષ્ટ્રપતિ ડોનાલ્ડ ટ્રમ્પ દ્વારા ચીન વિરુદ્ધ ટ્રેડ વોર આક્રમક રીતે શરૂ કરવામા આવ્યું છે. જેમાં ચીન પર 245 ટકાનો ટેરિફ લાદવામાં આવ્યો છે. જેની બાદ હવે અમેરિકાએ ઈરાનથી તેલ આયાત કરતી ચીની રિફાઇનરી ટીપોટ રિફાઇનરી પર અનેક પ્રતિબંધોની જાહેરાત કરી છે.
ઈરાન પાસેથી 1 બિલિયન ડોલરથી વધુ મૂલ્યનું ક્રૂડ ઓઇલ ખરીદવાનો આરોપ
અમેરિકાના ઈરાન સાથે બગડતા સંબંધો વચ્ચે આ નિર્ણયને ઈસ્લામિક દેશ પર દબાણ વધારવાના હેતુ તરીકે જોવામાં આવી રહ્યું છે.તેમજ ઈરાનને આર્થિક રીતે નબળું પાડવા માટે, ટ્રમ્પ તેની ક્રૂડ ઓઇલ નિકાસ પણ બંધ કરવા માંગે છે. યુએસ ટ્રેઝરી ડિપાર્ટમેન્ટે બુધવારે ચીનની એક રિફાઇનરીએ ઈરાન પાસેથી 1 બિલિયન ડોલરથી વધુ મૂલ્યનું ક્રૂડ ઓઇલ ખરીદવાનો આરોપ લગાવ્યો હતો.
ઈરાન પરમાણુ કરાર પર અમેરિકા સાથે વાતચીત
ટ્રેઝરી વિભાગના જણાવ્યા અનુસાર, આ વ્યવહારોમાંથી મળેલી રકમનો ઉપયોગ ઈરાની સરકારી કામગીરી અને આતંકવાદી સંગઠનોને ટેકો આપવા માટે થાય છે. આ કાર્યવાહી એવા સમયે થઈ છે જ્યારે અમેરિકા ઇટાલીની રાજધાની રોમમાં ઈરાનના પરમાણુ કાર્યક્રમ પર ચર્ચા કરવા જઈ રહ્યું છે. બંને દેશો વચ્ચે તાજેતરમાં ઈરાનના પરમાણુ કાર્યક્રમ પર વાતચીત શરૂ થઈ છે. અમેરિકા અને ઈરાન વચ્ચે પ્રથમ રાઉન્ડની વાતચીત ઓમાનમાં થઈ હતી. જોકે, ઈરાને રોમમાં યોજાનારી વાટાઘાટો અંગે કેટલીક શરતો પણ મૂકી છે. ઈરાનના વિદેશ પ્રધાન અબ્બાસ અરાકચીએ બુધવારે કહ્યું હતું કે તેઓ યુરેનિયમ સમૃદ્ધ કરવાના અધિકાર સાથે કોઈ સમાધાન કરશે નહીં.
આ પણ વાંચો: અમેરિકાના ટ્રેડ વોર સામે ચીને એવી ચાલી ચાલ કે અમેરિકાની થશે ઊંઘ હરામ, જાણો શું લીધું પગલું?
ઈરાન પર આતંકવાદી સંગઠનોને સમર્થન આપવાનો આરોપ
યુએસ ટ્રેઝરી સેક્રેટરી સ્કોટ બેસન્ટે એક પ્રેસ રિલીઝમાં જણાવ્યું હતું કે, અમેરિકાએ પહેલાથી જ શિપમેન્ટમાં સામેલ ડઝનબંધ વ્યક્તિઓ અને જહાજો સામે કાર્યવાહી કરી છે. યુએસ કહે છે કે ઈરાન આતંકવાદી સંગઠનો ટેકો આપવા માટે તેલની આવકનો ઉપયોગ કરે છે. ઈરાન પર લેબનોનના હિઝબુલ્લાહ, ગાઝાના હમાસ અને યમનના હુતી સહિત અનેક આતંકવાદી જૂથોને ટેકો આપવાનો આરોપ છે.જેમણે આંતરરાષ્ટ્રીય શિપિંગ પર હુમલા કર્યા છે.