શહેરી પરિવહન માટે ઈ-ટ્રાન્ઝિટ એક સારો વિકલ્પ: ફડણવીસ
(અમારા પ્રતિનિધિ તરફથી)
મુંબઈ: મુખ્ય પ્રધાન દેવેન્દ્ર ફડણવીસે સૂચન કર્યું છે કે શહેરી પરિવહન વ્યવસ્થા માટે ઈ-ટ્રાન્ઝિટ એક સારો વિકલ્પ છે અને અધિકારીઓએ નાણાકીય પાસાઓની તપાસ કરવી જોઈએ અને આ સંદર્ભમાં અહેવાલ રજૂ કરવો જોઈએ.
પિંપરી-ચિંચવડ મેટ્રોપોલિટન વિસ્તારમાં પાયલોટ ધોરણે ઈ-ટ્રાન્ઝિટ શરૂ કરવા અંગે એચઈએસએસ-એજી કંપનીના પ્રતિનિધિઓ સાથે સહ્યાદ્રી ગેસ્ટ હાઉસ ખાતે એક બેઠક યોજાઈ હતી. તે સમયે મુખ્ય પ્રધાન ફડણવીસ બોલી રહ્યા હતા.
આ પ્રોજેક્ટની શક્યતા ચકાસવી જરૂરી હોવાનું જણાવતા મુખ્ય પ્રધાન ફડણવીસે કહ્યું કે કંપનીએ ભારતમાં તેના ઉપકરણોનું ઉત્પાદન કરવું જોઈએ, જેથી ઉત્પાદન ખર્ચ ઘટાડી શકાય અને પ્રોજેક્ટ ખર્ચ પણ બચાવી શકાય.
આપણ વાંચો: ઔરંગઝેબની કબર મુદ્દે દેવેન્દ્ર ફડણવીસે આપ્યું નવું નિવેદન, કબર સંરક્ષિત પણ…
જો કંપની ઓછા ખર્ચે સારી શહેરી પરિવહન વ્યવસ્થા પૂરી પાડે, તો રાજ્યના ઓછામાં ઓછા 10 શહેરો માટે આવા પ્રોજેક્ટ્સ સ્થાપી શકાય છે. આ માટે કંપનીએ દેશમાં તેની ઇ-ટ્રાન્ઝિટ બસોનું ઉત્પાદન શરૂ કરવું જોઈએ.
મુખ્ય પ્રધાન ફડણવીસે પિંપરી-ચિંચવડ મ્યુનિસિપલ કોર્પોરેશન વિસ્તારમાં આ પ્રોજેક્ટના લોન્ચ અંગે વિગતવાર અહેવાલ રજૂ કરવાનું સૂચન પણ કર્યું હતું. મુખ્યમંત્રી ફડણવીસે જણાવ્યું હતું કે હાલમાં ઉપયોગમાં લેવાતી ઇ-બસો, મેટ્રો અને ઇ-ટ્રાન્ઝિટના નાણાકીય અને અન્ય પાસાઓને ધ્યાનમાં રાખીને એક દરખાસ્ત તૈયાર કરવી જોઈએ.
કંપનીએ એક સારો અને વ્યવહારુ પ્રસ્તાવ આપવો જોઈએ. શહેરોને હાલમાં મેટ્રો ઉપરાંત બીજા વિકલ્પની જરૂર છે. જો આ ઈ-ટ્રાન્ઝિટ સુવિધા દ્વારા તે ઉપલબ્ધ હોય, તો તે આવકાર્ય છે.
પિંપરી-ચિંચવડ મ્યુનિસિપલ કોર્પોરેશન વિસ્તારમાં હાલના મેટ્રો અને બસ રેપિડ ટ્રાન્ઝિટ (બીઆરટી) ને જોડીને હાઇ કેપેસિટી માસ ટ્રાન્ઝિટ રૂટ (એચસીએમટી) જેવી ઝડપી શહેરી પરિવહન સુવિધા બનાવવાનો પ્રસ્તાવ છે. તે અંતર્ગત, ઈ-ટ્રાન્ઝિટ સુવિધાના વિકલ્પની વિગતવાર ચર્ચા શુક્રવારે કરવામાં આવી હતી.