શરદ પવારે મારું રાજીનામું લેવામાં ઉતાવળ કરી..! છગન ભુજબળ

પુણે: ‘શરદ પવારે તેલગી કેસ સાથે કોઈ પણ સંબંધ ન હોવા છતાં મારી પાસેથી નાયબ મુખ્ય પ્રધાન અને ગૃહ પ્રધાનપદેથી રાજીનામું લઈ લીધું હતું.’ જોકે, ત્યારબાદની તપાસમાં મારા પરના કોઈ પણ આરોપ સાબિત થયા નહોતા.

એક રીતે, શરદ પવાર મારું રાજીનામું સ્વીકારવામાં ઉતાવળ કરી હતી, એવો ગંભીર આરોપ રાષ્ટ્રવાદી કોંગ્રેસ પાર્ટી (અજિત પવાર જૂથ)ના વરિષ્ઠ નેતા છગન ભુજબળે કર્યો હતો. તેમણે એમ પણ કહ્યું હતું કે ઓબીસી માટે તેમણે બે વાર મુખ્ય પ્રધાનપદ છોડી દીધું હતું, નહીં તો તેઓ તે સમયે જ મુખ્ય પ્રધાન બની ગયા હોત.

શુક્રવારે જાધવ ગ્રુપ ઓફ ઇન્સ્ટિટ્યૂટ દ્વારા સંસ્થાના ઓડિટોરિયમમાં આયોજિત આઠમી યુવા સંસદમાં બીજા સંસદ વિભાગ હેઠળ ભુજબળનો ઇન્ટરવ્યૂ લેવામાં આવ્યો ત્યારે તેમણે આમ કહ્યું હતું. 2014માં વરિષ્ઠ નેતા શરદ પવારે ભાજપને બાહ્ય સમર્થન આપ્યું હતું. તે પછી, તેમણે ઘણા વર્ષો સુધી દૂધમાં અને દહીંમાં પગ રાખવાનું ચાલુ રાખ્યું હતું.

આપણ વાંચો: શરદ પવારે મંચ પર લખીને આપેલો સંદેશ, છગન ભુજબળે ગુપચુપ વાંચ્યો

મને તે ગમ્યું નહીં, તેથી મેં આખરે અજિત પવાર સાથે રહેવાનું નક્કી કર્યું. ભુજબળે એવી પણ ટિપ્પણી કરી હતી કે અમે, એક રાષ્ટ્રવાદી પક્ષ તરીકે, હાલમાં રાજકીય રીતે ભાજપ સાથે જોડાયેલા છીએ, પરંતુ અમે તેમની સાથે સંસાર માંડ્યો નથી.

…તો હું તે જ સમયે મુખ્ય પ્રધાન બન્યો હોત

મુંબઈ મહારાષ્ટ્રમાં છે, પણ મુંબઈમાં મહારાષ્ટ્ર ક્યાં છે? એવો પ્રશ્ર્ન ઉભો થયો હતો. શિવસેનાના વડા બાળ ઠાકરેના આદેશથી તેઓ પ્રથમ શાખા પ્રમુખ બન્યા. બાદમાં, તેમણે મુંબઈના મેયર, વિધાનસભ્ય અને પ્રધાન અને નાયબ મુખ્ય પ્રધાન તરીકે પણ સેવા આપી.

મંડલ કમિશનને ટેકો આપવા અંગે મતભેદ થયો અને હું બાળાસાહેબને છોડીને કોંગ્રેસમાં જોડાયો. પછી બાળાસાહેબ કહેતા, શરદ પવારે મારા ભુજબળને લઈ લીધા. જો મેં શિવસેના ન છોડી હોત, તો હું તે જ સમયે મુખ્ય પ્રધાન બન્યો હોત. જો તે શરદ પવાર સાથે જવાને બદલે કોંગ્રેસમાં રહ્યા હોત, તો પણ મુખ્ય પ્રધાન બની શક્યો હોત.

આપણ વાંચો: અજિત પવાર પણ બની શકે છે મુખ્યમંત્રીઃ છગન ભુજબળે મમરો મૂક્યો…

તે ગેરંટી પણ ત્યારે આપવામાં આવી હતી. તેમણે ઓબીસીની લડાઈ માટે મુખ્ય પ્રધાન બનવાની આ બે તકો છોડી દીધી હોવાનો દાવો કરતાં તેમણે કહ્યું હતું કે, ‘મારા માટે પદ મહત્વપૂર્ણ નથી, પરંતુ ઓબીસી સમુદાયના મુદ્દાઓ મહત્વપૂર્ણ છે.’

રાજ્યપાલ નહીં બનું

રાજ્યપાલનું પદ એક મહાન અને પ્રતિષ્ઠિત પદ છે, હું તે પદનો અનાદર કરવા માગતો નથી, પરંતુ તે પદ સંભાળતી વખતે હું સામાન્ય લોકોવતી બોલી શકીશ નહીં. મને રાજ્યપાલ બનાવવો એ મારા મોં પર તાળું મારવા જેવું છે. તેથી, હું તે પદ સ્વીકારીશ નહીં એમ છગન ભુજબળે કહ્યું હતું.

ભાજપ સાથે લગ્ન નથી કર્યા

2014માં વરિષ્ઠ નેતા શરદ પવારે ભાજપને બાહ્ય સમર્થન આપ્યું હતું. ઘણા વર્ષો પછી, તેમણે આ બાબતે દૂધમાં અને દહીમાં પોતાનો પગ રાખ્યો. મને તે ગમ્યું નહીં. અંતે, મેં અજિત પવાર સાથે રહેવાનું નક્કી કર્યું. અમે, એક રાષ્ટ્રવાદી પક્ષ તરીકે, હાલમાં રાજકીય રીતે ભાજપ સાથે જોડાયેલા છીએ. પરંતુ અમે ભાજપ સાથે લગ્ન કર્યા નથી.