સની દેઓલની ‘બોર્ડર-2’ની રિલીઝ ડેટ જાહેર
સની દેઓલના ફેન્સ માટે સારા સમાચાર સામે આવ્યા છે. અભિનેતાની આગામી ફિલ્મ બોર્ડર 2નું શૂટિંગ શરૂ થઇ ગયું છે. મેકર્સે ફિલ્મની રિલીઝ ડેટ પણ જાહેર કરવામાં આવી છે.
બોર્ડર-2, 23 જાન્યુઆરીએ વર્ષે 2026માં સિનેમાઘરોમાં રિલીઝ થશે. ફિલ્મ બોર્ડર 2(BORDER 2)માં વરુણ ધવન, દિલજીત દોસાંઝ અને અહાન શેટ્ટી મેઈન રોલમાં છે. નિર્માતાઓએ ઇન્સ્ટાગ્રામ પર સેટ પરથી એક તસવીર શેર કરી છે. આ ફિલ્મ જેપી દત્તાની 1997માં આવેલી ડ્રામા ફિલ્મ બોર્ડરની સિક્વલ હશે.
આપણ વાંચો: ગદ્દરના એક્ટર સની દેઓલ પર ડિરેક્ટરે સૌરવ ગુપ્તાએ લગાવ્યા આરોપો
ફિલ્મમાં દિગ્ગજ કલાકારો જોવા મળશે
ટી-સીરીઝે લખ્યું બોર્ડર 2 માટે કેમેરા ચાલુ છે સની દેઓલ, વરુણ ધવન (VARUN DHAVAN), દિલજીત દોસાંઝ અને અહાન શેટ્ટી આ ફિલ્મમાં જોવા મળશે. ફિલ્મનું નિર્માણ દિગ્ગજ કલાકારો ભૂષણ કુમાર, જેપી દત્તા અને નિધિ દ્વારા કરવામાં આવ્યું છે. અહેવાલ અનુસાર બોર્ડર-2 દેશભક્તિ પર આધારિત ફિલ્મ છે.
સપ્ટેમ્બરમાં સની દેઓલે 1997ની બ્લોકબસ્ટરની 27મી રિલીઝ એનિવર્સરી પર બોર્ડરની સિક્વલની જાહેરાત કરી હતી. સનીએ લખ્યું છે કે એક ફૌજી ફરીથી પોતાનું 27 વર્ષ જૂનું વચન પૂર્ણ કરવા આવી રહ્યો છે. ભારતની સૌથી મોટી વોર ફિલ્મ બોર્ડર-2 1971ના ભારત-પાકિસ્તાનના યુદ્ધ પર આધારિત છે.
આપણ વાંચો: પ્રીતિ ઝિન્ટા સની દેઓલ સાથે આ ફિલ્મથી કમબેક કરશે
ફિલ્મ બોર્ડરમાં સની દેઓલ સાથે સુનીલ શેટ્ટી, જેકી શ્રોફ, અક્ષય ખન્ના, સુદેશ બેરી અને પુનિત ઇસારે અભિનય કર્યો હતો. કુલભૂષણ ખરબંદા, તબુ, રાખી, પૂજા ભટ્ટ અને શરબાની મુખર્જી પણ આ ફિલ્મનો ભાગ હતા. હવે આ ફિલ્મની સિક્વલમાં અનેક નવા કલાકારો જોડાયા છે.
બોર્ડર-2માં જોવા મળશે આ કલાકારો
સુનીલ શેટ્ટીનો દિકરો અહાન શેટ્ટી બોર્ડર-2માં મહત્વના રોલમાં જોવા મળશે. અહાને ઈન્સ્ટાગ્રામ પર એક પોસ્ટ શેર કરી છે અને આ ફિલ્મ સાથે જોડાવા માટે પોતાનું સૌભાગ્ય વ્યક્ત કર્યું છે.
અહાન શેટ્ટીના પિતા સુનીલ શેટ્ટી ફિલ્મ બોર્ડરમાં મહત્વના રોલમાં હતા. ફિલ્મ બોર્ડર-2માં અહાનની સાથે વરુણ ધવન અને દિલજીત દોસાંજ પણ મહત્વના પાત્રમાં જોવા મળશે. આ ફિલ્મમાં સની દેઓલ ફરી એકવાર આર્મી ડ્રેસમાં દમદાર એક્ટિંગમાં જોવા મળશે.