મને ઘેરી શકાય નહીં કારણ કે હું અર્જુન છું, અભિમન્યુ નથી: ધનંજય મુંડે

શિર્ડી: મહારાષ્ટ્રના પ્રધાન ધનંજય મુંડેએ રવિવારે મહાભારતનો ઉલ્લેખ કરીને એવો દાવો કર્યો હતો કે, તેમને ઘેરી શકાશે નહીં કારણ કે તેઓ શ્રેષ્ઠ તીરંદાજ અર્જુન છે, અભિમન્યુ નહીં.

બીડના સરપંચ સંતોષ દેશમુખના 9 ડિસેમ્બરના રોજ અપહરણ અને હત્યાના સંદર્ભમાં મુંડે પર વિપક્ષ તેમજ શાસક મહાયુતિના નેતાઓ દ્વારા નિશાન તાકવામાં આવી રહ્યું છે.

પોલીસે હત્યાનો કેસ અને હત્યા સાથે જોડાયેલ ખંડણીનો કેસ નોંધ્યો છે. મુંડેના નજીકના સાથી વાલ્મિક કરાડની ખંડણીના કેસમાં ધરપકડ કરવામાં આવી છે, જેના પગલે ઘણા નેતાઓએ દેવેન્દ્ર ફડણવીસ સરકારમાંથી તેમને બરતરફ કરવાની માગણી કરી રહ્યા છે.

આ પણ વાંચો: ધનંજય મુંડેની મુશ્કેલીઓ વધીઃ સરપંચ હત્યા કેસ બાદ વધુ એક કેસમાં ફસાયા

‘ભલે ગમે તે હોય, અભિમન્યુની જેમ મને ઘેરવાનો કોઈ ફાયદો નહીં થાય. કારણ કે હું અભિમન્યુ નથી, હું અર્જુન છું. પાર્ટી (એનસીપી) ના કેટલાક નેતાઓ પણ અજિતદાદાને ખોટી માહિતી આપી રહ્યા છે, જેઓ આવા મુશ્કેલ સમયમાં પણ મારી સાથે ઉભા છે,’ એમ મુંડેએ ભારપૂર્વક જણાવ્યું હતું.

મહાભારતમાં અભિમન્યુની હત્યા કરવા માટે વિરોધીઓ દ્વારા ‘ચક્રવ્યૂહ’ બનાવવામાં આવ્યો હતો, જે અનેક વર્તુળોનું એક વિસ્તૃત યુદ્ધ સંગઠન હતું.

સંમેલનમાં બોલતા, મુંડેએ કહ્યું કે દેશમુખની હત્યા અત્યંત દુર્ભાગ્યપૂર્ણ હતી અને ભારપૂર્વક જણાવ્યું હતું કે મેં ત્યારથી ગુનેગારોને ફાંસી આપવાની માગણી કરી હતી.

આ પણ વાંચો: રાજીનામાના પ્રશ્ન પર ધનંજય મુંડેએ કહ્યું, ‘હું કંઈ

‘ગુનાની કોઈ જાતિ કે ધર્મ હોતો નથી પરંતુ આ ઘટનાને કારણે એક સમુદાયને જાણી જોઈને નિશાન બનાવવામાં આવી રહ્યો છે, એવો દાવો મુંડેએ કર્યો હતો.

આ હત્યામાં એક જાતિનો ખૂણો પણ ઉમેરવામાં આવ્યો છે કારણ કે મોટાભાગના આરોપીઓ વણજારી સમુદાયના છે, મુંડે પોતે પણ વણજારી સમાજના છે, જ્યારે મૃતક દેશમુખ મરાઠા હતા.

મુંડેએ પવારનો તેમના સમર્થન બદલ આભાર માન્યો અને કહ્યું કે બાદમાં આ માટે ખલનાયક તરીકે લેબલ કરવામાં આવી રહ્યું છે.

મુંડેએ કહ્યું કે તેમણે 2014 થી 2019 દરમિયાન તત્કાલીન ભાજપ-શિવસેના સરકાર (દેવેન્દ્ર ફડણવીસની) વિરુદ્ધ અનેક ઝુંબેશ ચલાવી હતી.

મુંડેએ દાવો કર્યો કે નવમી ડિસેમ્બરે સરપંચ દેશમુખની હત્યા બાદ મીડિયા ટ્રાયલ તેમજ સોશિયલ મીડિયા પર તેમને ટ્રોલ કરવામાં આવતા બીડમાં સામાજિક વાતાવરણ સંવેદનશીલ બની ગયું છે. (પીટીઆઈ)

શપથ ન લેવાનું કહેવામાં આવ્યું હોવા છતાં…

શિર્ડીમાં એનસીપીના નવ-સંકલ્પ શિબિર – 2025 કાર્યક્રમમાં બોલતા, રાજ્યના અન્ન અને નાગરી પુરવઠા પ્રધાન ધનંજય મુંડેએ 2019માં વહેલી સવારે યોજાયેલા શપથ ગ્રહણ સમારોહ અંગે એક મહત્ત્વપૂર્ણ નિવેદન આપ્યું હતું. મુંડેએ કહ્યું હતું કે, જ્યારથી હું એનસીપીમાં જોડાયો છું, ત્યારથી હું અજિત પવારને નેતા તરીકે ટેકો આપું છું. ઘણી વાર, અજિત પવારને ખલનાયક તરીકે દર્શાવવાના પ્રયાસો થયા. મેં 2014થી 2019 સુધી વિપક્ષના નેતા તરીકે સેવા આપી. પક્ષના પતન દરમિયાન, તેમણે ચાર યાત્રાઓમાં ભાગ લીધો, જેમાં હલ્લાબોલ, પરિવર્તન, શિવ-સ્વરાજ્ય અને અન્યનો સમાવેશ થાય છે, અને સમગ્ર મહારાષ્ટ્રને મંત્રમુગ્ધ કરી દીધું. મેં 2019માં કહ્યું હતું કે સવારના શપથ ન લો. તેમણે એ શપથ લીધા પણ સજા મને મળી હતી.

ધનંજય મુંડેએ કહ્યું, મેં સામાજિક ન્યાય પ્રધાન તરીકે સારું કામ કર્યું હતું, તે સમય દરમિયાન ઘણા ક્રાંતિકારી નિર્ણયો લેવામાં આવ્યા, જેમ કે ગામડાઓ અને વસાહતોના જાતિ આધારિત નામ બદલવા અને શેરડી કામદાર કલ્યાણ નિગમની સ્થાપના. હું કૃષિ પ્રધાન હતો જેણે એક વર્ષમાં 11,000 કરોડ રૂપિયાનો પાક વીમો મેળવ્યો હતો. જોકે, તેની ટીકા પણ થઈ હતી. ‘જે લોકો અર્ધસત્ય બોલીને મને બદનામ કરે છે તેઓ આ વિશે વાત કરતા નથી.’