Happy Birthday: એક ફકીર પાસેથી સિંગિંગની પ્રેરણા મળી અને ફિલ્મ ઈન્ડસ્ટ્રીને મળ્યો લેજેન્ડરી સિંગર…
બોલીવૂડ ફિલ્મોમાં સિંગર તરીકે આજના આપણા બર્થડે બોયે એક આગવી ઓળખ ઊભી કરી છે અને તેમના ચાહકો તેમને ખુદાનો અવાજ કહેતા હતા. ટૂંકમાં કહીએ તો આજની આપણી બર્થડે સેલિબ્રિટી એક પરફેક્ટ ગોડ ગિફ્ટેડ કહી શકાય. અમે અહીં વાત કરીએ રહ્યા છીએ એ બર્થડે સેલિબ્રેટીની 100 મી જન્મજયંતિ છે આવો જોઈએ આખરે કોણ છે આ સિંગર…
અહીં વાત થઈ રહી છે મોહમ્મદ રફીની. રફી સાહેબનો જન્મ 24મી ડિસેમ્બર 1924ના અમૃસરમાં થયો હતો. જ્યારે તેઓ 9 વર્ષના હતા ત્યારે તેમનો પરિવાર લાહોર શિફ્ટ થઈ ગયો અને તમને જાણીને નવાઈ લાગશે કે બાળપણમાં રફી સાહેબ પણ પોતાના પરિવારના મોટા સભ્યોની જેમ વાળ કાપવાનું કામ કરતાં હતા.
પરંતુ અલગ વાત એ હતી કે પરિવારના બાકીના સભ્યોથી અલગ ગણગણતા લોકોનો વાળ કટ કરતાં હતા. આ સમયે તેમના મોટાભાઈ પણ ત્યાં જ રહેતા અને તેઓ નાના ભાઈની આ કાબેલિયતને પારખી લીધી અને તેમણે રફીને આગળની દિશા દેખાડી.
આપણ વાંચો: ફિલ્મ સિંગર શાનની બિલ્ડીંગમાં લાગી ભીષણ આગ, જાણો શું છે ગાયકની હાલત?
વાત કરીએ રફીસાહેબને ગાવાની પ્રેરણા ક્યાંથી મળી તો જ્યારે રફી પોતાનું કામ કરતાં ત્યારે ત્યાંથી એક ફકીર પસાર થતો હતો. રફીસાહેબ એ ફકીરથી પ્રેરિત થયા અને તેઓ એ ફકીરનો પીછો કરતા હતા. આ ફકીર પાસેથી તેમને ગાવાની પ્રેરણા મળી હતી. ત્યાર બાદ રફીસાહેબને સમય સમય પર તેમની મંઝિલ સુધી પહોંચાડનારા લોકો મળતા ગયા.
આવા જ એક વ્યક્તિ હતા જીવનલાલ. જ્યારે જીવનલાલે રફીને વારિસ શાહનું હીર ગાતા સાંભળ્યા ત્યારે તેઓ તેમના પ્રત્યે આકર્ષિત તો થયા જ પણ એની સાથે સાથે તેમણે તેમને ઓડિશન માટે પણ બોલાવ્યા. રફી ઓડિશનમાં પાસ થઈ ગયા અને જીવનલાલે તેમને સંગીતનું જ્ઞાન આપ્યું,
આપણ વાંચો: મારો બાળપણનો ક્રશ…Malaika Arora માટે કરોડપતિ સિંગરે કહી એવી વાત કે…
બસ જીવનના નાના નાના પડાવ પાર કરીને રફી સાહેબ પોતાની જીવનની યાત્રામાં આગળ વધ્યા. 13 વર્ષની ઉંમરકે રફીસાહેબે પહેલી વખત સ્ટેજ પર્ફોર્મન્સ આપ્યું હતું અને ત્યાર બાદ તેમણે ક્યારેય પાછળ વળીને નથી જોયું. બોલીવૂડમાં તેમને 40ના દાયકામાં ગાવાનો મોકો મળ્યો.
ત્યાર બાદ નૌશાદ સહિતના અન્ય કલાકારો સાથે કોલાબરેશન કર્યું. તેમણે પોતાના કરિયરમાં 5000થી ઉપર ગીતો ગાયા છે અને તેમની ગણતરી આજના સમયના કાબેલ અને સુરીલા સિંગરમાં કરવામાં આવે છે.
દરેક પ્રકારના ગીતો ગાવાની સાથે સાથે રફીસાહેબ સંગીત જગતમાં એક એવી વિરાસત મૂકીને ગયા છે કે જે સંગીતપ્રેમીઓ માટે એક રહેમત સમાન છે, ખુદાની એક રહેમત સમાન…