હવે અરિજિત સિંહ આવશે મુંબઈઃ 4 મિનિટમાં ટિકિટ વેચાઈ ગઈ, જાણો ભાવ?
મુંબઈઃ મુંબઈ સહિત નવી મુંબઈમાં જાણીતા પોપસિંગર અને સ્ટાર ગાયકો પોતાના કોન્સર્ટ યોજવાની જાહેરાત કર્યા પછી નવયુવાનોમાં તેમને જોવા અને સાંભળવાનો ક્રેઝ વધતો જાય છે. અગાઉ પંજાબી ગાયક દિલજીત દોસાંજની ટિકિટના કરતા અરિજિતના શોની ટિકિટનો ભાવ ધ્યો છે.
સુપરસ્ટાર ગાયક અરિજિત સિંહે તાજેતરમાં ૩૦ નવેમ્બર, ૨૦૨૪થી ૨૭ એપ્રિલ, ૨૦૨૫ વચ્ચે પાંચ શહેરમાં તેના શોની જાહેરાત કરી હતા, જ્યાં તેના હિટ ગીતો રજૂ કરશે. આજે અરિજિતના મુંબઈ કોન્સર્ટ માટેની ટિકિટો ઝોમેટો દ્વારા ડિસ્ટ્રિક્ટ પર લાઈવ થઈ હતી. અગાઉ સૌથી મોંઘી ટિકિટની કિંમત રૂપિયા ૮૫,૦૦૦ હતી, જે ટિકિટો લાઈવ થયાની માત્ર ૪ મિનિટમાં વેચાઈ ગઈ હતી. જો કે, હવે આયોજકોએ નવી બેઠકો ઉમેરી હતી, જ્યારે વધુ કિંમતવાળી ટિકિટ હવે ૯૫,૦૦૦ રુપિયાએ પહોંચી છે.
આ પણ વાંચો: Kolkata crisis: ગાયક અરિજિતે કોલકાત્તા પીડિતાને ન્યાય માટે એક ગીત કમ્પોઝ કર્યુ
સૌથી મોંઘી ટિકિટમાં ઓપન બાર (આલ્કોહોલિક અને નોન-આલ્કોહોલિક) અને નાસ્તાના બુફેનો સમાવેશ થાય છે. અરિજીતની ટિકિટની શરૂઆતી કિંમત રૂ. ૧૩,૫૦૦ ગોલ્ડ સેક્શન માટે છે, જેમાં ઊભા રહીને શો જોવા મળશે અને ગાયકને નજીકથી જોવા મળશે. ત્યાર પછી પ્લેટિનમ વિભાગની ટિકિટની કિંમત રૂ. ૨૫,૦૦૦ છે, જ્યાં ચાહકો રિઝર્વડ બેઠક સાથે શોનો આનંદ માણશે.
જોકે, અરિજિત હવે એક નવો રેકોર્ડ સ્થાપિત કરી રહ્યો છે, કારણ કે સૌથી મોંઘી ટિકિટો ગાયક-અભિનેતા દિલજીત દોસાંજની દિલ-લુમિનાટી ટૂરના ભાવને વટાવી ગઈ છે. અરિજિતના ચાહકોને જણાવી દઈએ કે, અરિજિત સિંહ ૨૩ માર્ચ, ૨૦૨૫ના રોજ મુંબઈમાં જિયો વર્લ્ડ ગાર્ડન, બાંદ્રા ખાતે સાંજે છ વાગ્યાથી પરફોર્મ કરશે. ઈવા લાઈવ અને ટેરિશ એન્ટરટેઈનમેન્ટ ઈવેન્ટ કંપની દ્વારા આ પ્રવાસનું આયોજન કરવામાં આવી રહ્યું છે.
આ પણ વાંચો: કેસરીયા પછી હવે અરિજિતનું સતરંગા ઈશ્ક ધૂમ મચાવશે…?
તેના ભારત પ્રવાસ વિશે બોલતા અરિજિતે જણાવ્યું હતું કે દેશમાં સ્ટેજ પર લાઈવ પર્ફોર્મન્સ આપવા તથા લોકોના પ્રેમ અને આનંદના સાક્ષી બનવા આતુર છે. તેણે ચાહકોના ઉત્સાહ વધારતા ઉમેર્યું હતું કે, અમે સ્ટેજ પર કંઈક નવું લાવવા માટે હિટ સહિત લગભગ દરેક ટ્રેક પર ખાસ પુનઃકાર્ય કર્યું છે, અને મારી પાસે પ્રેક્ષકો માટે થોડા આશ્ચર્ય છે!