પીએમઆરડીએના 3 હજાર 838 કરોડના બજેટને મંજૂરી…
મુંબઈ: અટલ સેતુ, મુંબઈ-પુણે હાઈવે મિસિંગ લિંક જેવા પ્રોજેક્ટ્સને પગલે પુણે અને મુંબઈ મહાનગરો નજીક આવી ગયા છે. આને કારણે હવે પુણે વિસ્તારમાં મોટા પાયે વિકાસ થઈ રહ્યો છે. પુણે મેટ્રોપોલિટન રિજન ડેવલપમેન્ટ ઓથોરિટી વિકાસ પ્રક્રિયાના આયોજન માટે જવાબદાર છે અને સત્તાધિકારીએ પુણે શહેરની સાંસ્કૃતિક શહેર તરીકેની ઓળખ જાળવી રાખવી જોઈએ અને શહેરનો વિકાસ કરવો જોઈએ, એમ મુખ્ય પ્રધાન એકનાથ શિંદેએ જણાવ્યું હતું. પુણે મેટ્રોપોલિટન ડેવલપમેન્ટ ઓથોરિટીની આજે મુખ્ય પ્રધાનની અધ્યક્ષતામાં બેઠક યોજાઈ હતી. બેઠકમાં પીએમઆરડીએના રૂ. 3,838 કરોડના બજેટને મંજૂરી આપવામાં આવી હતી.
આ પણ વાંચો : મુંબઈ મેટ્રોપોલિટન વિસ્તાર માટે રૂ. 2.5 લાખ કરોડના પ્રોજેક્ટને નિર્ધારિત મુદતમાં પૂરા કરો: એકનાથ શિંદે
એકનાથ શિંદેએ એમ પણ કહ્યું હતું કે મુખ્ય પુણે શહેર ગીચ બની ગયું છે અને આ પરિસ્થિતિને બદલવા માટે નવા વિકસિત વિસ્તારોમાં ખુલ્લી જગ્યાઓ હોય તેની કાળજી લેવી જોઈએ. પૂણેના વિકાસનું આયોજન કરતી વખતે નિષ્ણાતોની મદદ લેવી આવશ્યક છે. પુણેમાં ક્ધવેન્શન સેન્ટરને વિશ્ર્વ કક્ષાનું બનાવવાનું આયોજન કરવું જોઈએ, નાગરિકોને રાહત આપવા ગુંઠેવારી એક્ટમાં નિયમિત ફીમાં ઘટાડો કરવો જોઈએ, આ ફી ભરવા માટે 31 માર્ચ સુધી વિશેષ છૂટ ઉપલબ્ધ કરાવવી જોઈએ અને વધુમાં વધુ જમીન નિયમિત કરવી જોઈએ.
મુખ્યમંત્રીએ કહ્યું કે પુણે મહાનગરનો પ્રોટોટાઈપ ડેવલપમેન્ટ પ્લાન તૈયાર કરતી વખતે મહત્તમ નાગરિકોને લાભ મળે તે રીતે તૈયાર કરવામાં આવે. ઉપરાંત, પીએમઆરડીએ દ્વારા બાંધવામાં આવતા પરવડે તેવા મકાનોના બાંધકામની ગુણવત્તા સારી રહે તેની કાળજી લેવી જોઈએ. આવાસની ગુણવત્તાને નુકસાન પહોંચાડનારાઓ સામે કડક પગલાં લેવા જોઈએ. કુલ 4,886 તૈયાર મકાનોમાંથી બાકીના 1,620 મકાનોનો ટૂંક સમયમાં ડ્રો થવાનો છે. તેમજ બીજા તબક્કામાં 6 હજાર મકાનો બનાવવાનું કામ ઝડપી બનાવવું જોઈએ.
પુણે મેટ્રોપોલિટન પ્રદેશ માટે થાણે શહેરની તર્જ પર ડિઝાસ્ટર રિસ્પોન્સ ટીમની સ્થાપના અને 10 સ્થળોએ નવા ફાયર સ્ટેશનના નિર્માણ માટે મંજૂરી આપવામાં આવી હતી. આ બેઠકમાં લોનાવલા ખાતે 11 સ્થળોએ ડ્રેનેજ સ્કીમો, ટાઇગર ખાતે કાચના સ્કાયવોક અને લાયન્સ પોઈન્ટ પર તૈયાર કરવાની મંજૂરી આપવામાં આવી હતી.
