દુનિયામાં કોઈ પણ ધર્મ વ્યક્તિથી પર હોઈ ન શકે

આચમન -અનવર વલિયાણી

દુનિયામાં કોઈ પણ ધર્મ વ્યક્તિથી પર હોઈ ન શકે. એ વ્યક્તિનો મદદગાર જ હોય.

• ડર લાગે તો મદદ મેળવવા રામનું નામ લો
• ખુદાને યાદ કરો
• નવકાર મંત્ર ભણો
• એ માનસિક મદદ જ મળી કહેવાય
• જીવનમાં કયુ કાર્ય યોગ્ય, કયું અયોગ્ય?
• કયુ કાર્ય કરવાની છૂટ, શાની પાબંદી?
• એ બધું શીખવે ધર્મ
• એટલે જ ધર્મના નામ-સ્વરૂપ અલગ હોય
• પરંતુ તાત્વિ રીતે બે ધર્મ વચ્ચે કોઈ ભેદ ન હોય…
• અને છતાં જ્યારે આપણે ચારે તરફ ધર્મના નામે પક્ષાપક્ષી,
• મતભેદ
• સંઘર્ષ
• લડાઈ, ટંટા, ફસાદ, રમખાણ, યુદ્ધ જોઈએ છીએ ત્યારે આપણે આશ્ર્ચર્ય થાય છે કે આ ધર્મ હશે?
• ના – એ ધર્મ નથી
• ધર્મ તો સમાધાનકારી છે
• શમનકર્તા છે
• ઈશ્ર્વરને પ્રાર્થના હોય કે
• ખુદાની બંદગી…!
• માનસિક શાંતિ મુખ્ય છે અને એ ધર્મ છે
• એટલે જ જેઓ સાચા જ્ઞાનિઓ છે તેઓ ધર્મના નામે વિવાદ કરવાની પાબંદી ફરમાવે છે.
• પરંતુ માણસને અવકપાંસળીઓ અમસ્તો નથી કહેવાતો.
• એ કુદરતી નિયમો અને ન્યાયની વિરુદ્ધ જ્યારે વર્તન કરે છે ત્યારે
• હાહાકાર સર્જાય છે,
• ખાનાખરાબી થાય છે,
• જાનહાનિ થાય છે,
• તબાહી વરસે છે….
• આ બધું જ સેતાની વૃત્તિનું પરિણામ છે
  સનાતન સત્ય:
• સુઘરી સરસ માળો બાંધે છે એ સાચું પણ એની ડિઝાઈનમાં ક્યારેય ફેરફાર થયો નથી.
• મધુમાખી મધ ભેગું કરે છે પણ એની રસમ તથા પ્રક્રિયામાં ક્યારેય ફેરફાર થયો નથી.
• બિલાડી કે કુતરાને ગમે તેટલી તાલીમ અપાય પરંતુ ે નિયત સીમા બહારની તાલીમ પામી જ ન શકે.
• જ્યારે માનવીનું એવું નથી.
• ગુફા અને જાનવરની ખાલથી દેહનું રક્ષણ કરતાં કરતાં માણસ આજે સ્પેસયાનમાં મહિનાઓ ગાળતો થયો છે.
• ધરતી તો ધરતી અવકાશમાં પણ વનસ્પતિ ઉગાડવાનો પ્રયત્ન કરે છે.
• કૂતરા-બિલાડાને પ્રાદેશિક સીમા,
• ભાષાનું બંધન,
• જીવનના સ્વરચિત કાનૂનોનું પાલન કરવાનું હોતું નથી.
• માણસને આ બધું કરવાનું હોય છે.
• કારણ બીજા તમામ જીવો કરતાં માણસ પાસે એક ખાસ ચીજ છે અને તે બુદ્ધિ.
• આ બુદ્ધિએ સર્જેલા
• આદર્શો, ધ્યેયો,
• શોધેલાં સત્યો, સિદ્ધાંતો,
• ઘડેલા નિયમો, કાનૂનો,
• રચેલી સંહિતા, ન્યાયવિધિ
• વ્યક્ત કરેલા વિચારો, તત્ત્વો
• એ તમામને એક એવું નામ આપ્યું જેને સૌ સમજી શકે અને આ નામ એટલે
• ધર્મ
  આજનો સંદેશ:
  જ્યારે મહાન શક્તિઓનો દુરુપયોગ કરવામાં આવે છે ત્યારે વિશ્ર્વમાં અશાંતિ ફેલાવવી સ્વાભાવિક જ છે.