દિલ્હી હાઇકોર્ટે કોચિંગ ક્લાસ દુર્ઘટનાની તપાસ સોંપી CBIને
નવી દિલ્હી: દિલ્હીમાં કોચિંગ ક્લાસમાં થયેલ દુર્ઘટનાને લઈને ચાલી રહેલી તપાસને સીબીઆઇને સોંપવાનો નિર્ણય દિલ્હી હાઇકોર્ટે લીધો છે. કોર્ટે આ મામલે સ્થાનિક તંત્રને પણ અનેક બેદરકારી દાખવવા મામલે આકરા પ્રશ્નો કર્યા હતા. કોર્ટે આ મામલે પોલીસ દ્વારા કરવામાં આવેલી કાર્યવાહી અને કમિશનરને પ્રશ્નો કર્યા હતા.
દિલ્હી હાઈકોર્ટે રાજધાની દિલ્હીમાં કોચિંગ અકસ્માતની તપાસ સીબીઆઈને સોંપવાનો નિર્ણય કર્યો છે. શુક્રવારે લાંબી સુનાવણી બાદ કોર્ટે આ નિર્ણય લીધો હતો. કોર્ટે આ મામલામાં MCD અને દિલ્હી પોલીસ પર કડક ટીપ્પણી કરી હતી. કોર્ટે દિલ્હી પોલીસને પૂછ્યું કે રસ્તા પર ચાલતા માણસની ધરપકડ કેમ કરવામાં આવી? પોલીસે માફી માંગવી જોઈએ જ્યારે તે ગુનેગારને પકડે છે અને જો તમે નિર્દોષને દોષી ઠેરવીને છોડી દેવાનું શરૂ કરો છો, તો તે ખૂબ જ ખરાબ પરિસ્થિતિ હશે.
એમસીડીના વકીલે કહ્યું કે દિલ્હી પોલીસ રાઉ ઇન્સ્ટિટ્યૂટ અંગે કાર્યવાહી કરી રહી છે, તેથી અમે તે વિષયને એકબાજુ રાખીએ છીએ અને તે સિવાયનાં બાકીના વિષય પર કાર્યવાહી કરી રહ્યા છીએ. કોર્ટે દિલ્હી પોલીસને પૂછ્યું કે તમે અત્યાર સુધી શું કર્યું? કોર્ટે પૂછ્યું કે આ મામલે બાકીના જવાબદાર લોકોની ઓળખ થઈ શકી કે શું?
આ પણ વાંચો : દિલ્હી કોચિંગ ક્લાસ બનાવમાં વધુ 5ની ધરપકડ, મહિના આગાઉ તંત્રને ફરિયાદ કરવામાં આવી હતી
કોર્ટે કહ્યું હતું કે તે મુદ્દે કઈ જણાવાયું નથી કે સ્ટ્રોમ વોટર ડ્રેઇન કેમ કામ નથી કરી રહ્યું. એટલે કે મોટી ગટરના કારણે આ ઘટના બની છે. કોર્ટે પૂછ્યું કે તમારા અધિકારીઓ ક્યાં હતા અને તે વિસ્તારમાં પાણીનો ભરાવો કેમ થઈ રહ્યો હતો? MCD કમિશ્નરે કહ્યું- રોડની પાસેની ગટર શરૂ હોવી જોઈએ. કોર્ટે કહ્યું- ફોજદારી કાર્યવાહીની વાત તો છોડો, તમારી પાસે વહીવટી રીતે પણ જવાબ હોવો જોઈએ. જો અધિકારીઓ કામ ન કરતા હોય તો તેમને જાણ કરવી જોઈએ.
