વારાણસી: બુધવારે મોડી સાંજે BHU માં પ્રોક્ટોરિયલ બોર્ડ અને વિદ્યાર્થીઓ વચ્ચે ભારે હોબાળો થયો હતો. વિદ્યાર્થીઓ મનુ સ્મૃતિની પ્રત સળગાવવાનો પ્રયાસ કરતા આ હંગામો થયો હતો.
આ પણ વાંચો : એકલવ્યની જેમ ભારતીય યુવાનોના અંગુઠા કાપવામાં આવી રહ્યા છેઃ રાહુલ ગાંધી
ભગતસિંહ છાત્ર મોરચા (BHU)ના કાર્યકર્તાઓ મનુસ્મૃતિની પ્રતિકાત્મક પ્રત સળગાવવાના ઉદ્દેશ્ય સાથે બનારસ હિંદુ યુનિવર્સિટીના આર્ટ્સ ફેકલ્ટી ચોક પર એકઠા થયા હતા. માહિતી મળતાં જ પ્રોક્ટોરલ બોર્ડ પણ ઘટનાસ્થળે પહોંચી ગયું હતું અને વિદ્યાર્થીઓને મનાવવાનું શરૂ કર્યું હતું, પરંતુ ત્યાં હાજર ડઝનેક વિદ્યાર્થીઓએ ધરણા શરૂ કર્યા હતા. આ દરમિયાન કેટલાક કલાકો સુધી વિદ્યાર્થીઓ અને પ્રોક્ટોરિયલ બોર્ડ વચ્ચે બોલાચાલી થઈ હતી.
વિદ્યાર્થીઓ અને પ્રોક્ટોરલ બોર્ડ વચ્ચે લગભગ 3 કલાક સુધી બોલાચાલી થઈ હતી. જે ચોકમાં વિદ્યાર્થીઓએ મનુસ્મૃતિની પ્રત સળગાવવાની વાત કરી હતી ત્યાં એક બાજુ છઠ સંગઠન બેસી ગયું હતું. બીજી બાજુ પ્રેક્ટોરિયલ બોર્ડના સભ્યો પણ બેસી ગયા હતા અને વિદ્યાર્થીઓને કહ્યું હતું કે તમે મનુસ્મૃતિને સળગાવી શકો નહીં, પરંતુ અચાનક વિદ્યાર્થીઓના એક જૂથે મનુસ્મૃતિની કોપી સળગાવવાનો પ્રયાસ કર્યો હતો. પ્રોક્ટોરિયલ બોર્ડ અને સુરક્ષાકર્મીઓએ તેમને રોકવાનો પ્રયાસ કર્યો હતો. આ દરમિયાન ભગત સિંહ મોરચાના વિદ્યાર્થીઓએ સુરક્ષા જવાનોને ધક્કો મારવાનું શરૂ કરી દીધું હતું. લગભગ અડધા કલાક સુધી ભારે હંગામો થયો હતો.
ત્યાર બાદ સુરક્ષા કર્મચારીઓની ફરિયાદ પર લંકા પોલીસ પહોંચી અને વિદ્યાર્થીઓને કસ્ટડીમાં લીધા હતા. આ મામલે ચીફ પ્રોક્ટરે પોલીસને લેખિત ફરિયાદ આપી છે, જેના આધારે પોલીસ તપાસ કરીને કાર્યવાહી કરશે.
પોલીસે જણાવ્યું હતું કે હાલમાં બધું નિયંત્રણમાં છે.
આ પણ વાંચો : દિલ્હી ચૂંટણીઃ AIMIM શાહરૂખ પઠાણને આપી શકે છે ટિકિટ, હિંસા સમયે પોલીસ પર તાકી હતી પિસ્તોલ
આ અંગે હવે ભગત સિંહ વિદ્યાર્થી મોરચાના સંયુક્ત સચિવ ઈપશિતાનું નિવેદન પણ આવ્યું છે. તેમણે જણાવ્યું હતું કે, ‘અમે બધા મનુસ્મૃતિ દહન દિવસ પર ચર્ચા કરી રહ્યા હતા. આ દરમિયાન પ્રોક્ટોરિયલ બોર્ડની ટીમ ઘટનાસ્થળે પહોંચી હતી. ટીમે અમને ત્યાંથી જવાનું કહ્યું હતું, ત્યાર બાદ આ લોકોએ અમારી લગાવેલી આગ બુઝાવી દીધી અને અમારી સાથે રહેલા તમામ છોકરાઓને કારમાં બેસાડી પ્રોક્ટોરિયલ ઑફિસમાં લઈ ગયા હતા.’ વિદ્યાર્થીઓએ જણાવ્યું હતું કે મહિલા ગાર્ડ દ્વારા અમને ખેંચવામાં આવ્યા હતા અને અમારી સાથે ગેરવર્તણૂક કરવામાં આવી હતી.