Haryanaના 90 વિધાનસભા બેઠકો પર આજે મતદાન: વીનેશ, નાયબ મુખ્ય પ્રધાન સૈનીએ કર્યું મતદાન
નવી દિલ્હી: હરિયાણા વિધાનસભા ચૂંટણી 2024 (Haryana Assembly Election 2024) માટે મતદાન થઈ રહ્યું છે. આજે કુલ 90 વિધાનસભા બેઠકો પર મતદાન થઈ રહ્યું છે. જ્યારે 8 ઓક્ટોબરે મતગણતરી હાથ ધરવામાં આવશે. હરિયાણા ચૂંટણી માટે ભાજપે 90માંથી 89 સીટો પર ઉમેદવારો મેદાને ઉતાર્યા છે, કોંગ્રેસે પણ 89 બેઠકો પર પોતાના ઉમેદવારો ઉતાર્યા છે.
સીપીએમ માત્ર એક બેઠક પર ચૂંટણી લડી રહી છે. જેજેપી-આઝાદ સમાજ પાર્ટી ગઠબંધન 78 બેઠકો પર ચૂંટણી લડી રહ્યું છે. જેમાંથી જેજેપીએ 66 સીટો પર પોતાના ઉમેદવારો ઉભા રાખ્યા છે, જ્યારે 12 સીટો એએસપીને આપવામાં આવી છે. ILND 51 સીટો પર ચૂંટણી લડી રહી છે. જ્યારે તેણે તેના સહયોગી બસપાને 35 સીટો આપી છે. તે જ સમયે, આમ આદમી પાર્ટીએ 88 સીટો પર દાવ લગાવ્યો છે. હરિયાણા વિધાનસભા ચૂંટણીમાં કુલ 1031 ઉમેદવારો મેદાનમાં છે. જેમાંથી 101 મહિલાઓ છે.
કેટલા છે મતદારો?
હરિયાણાના 20,354,350 મતદારો આ ઉમેદવારોના ભાવિનો નિર્ણય કરશે. જેમાં 10,775,957 પુરૂષ અને 9,577,926 મહિલા મતદારો છે. અન્ય મતદારોની સંખ્યા 467 છે. મતદાન માટે રાજ્યમાં 20,632 મતદાન મથકો બનાવવામાં આવ્યા છે. મતદાન દરમિયાન મતદારો મોબાઈલ ફોન સાથે લઈ જઈ શકશે નહીં.
2019માં શું હતું પરિણામ:
2019ની વિધાનસભા ચૂંટણીમાં ભાજપે 40 બેઠકો જીતી હતી અને પાર્ટીનો વોટ શેર 36.49% હતો. કોંગ્રેસે 31 બેઠકો જીતી હતી અને તેનો વોટ શેર 28.08% હતો. જેજેપીએ 10 બેઠકો જીતી હતી અને વોટ શેર 14.80% હતો. આઈએનએલડીને માત્ર એક સીટ મળી છે, જેનો વોટ શેર 2.44% હતો. HLP એટલે કે હરિયાણા લોકહિત પાર્ટીને પણ 1 સીટ મળી હતી અને તેનો વોટ શેર 0.66% હતો. AAP એક પણ સીટ જીતી શકી નથી. 7 બેઠકો અપક્ષના ફાળે ગઈ હતી.
