નવી દિલ્હી: સુપ્રીમ કોર્ટ દ્વારા સોમવારે મોદી સરકારને મોટી રાહત મળી છે. સુપ્રીમ કોર્ટે જમ્મુ-કાશ્મીરમાંથી કલમ 370 હટાવવાના નિર્ણયને યોગ્ય ગણાવ્યો છે. સીજેઆય ડિવાય ચંદ્રચૂડે કહ્યું કે, જમ્મુ-કાશ્મીરભારતનું જ અંગ છે. એનું કોઇ આંતરિક સાર્વભૌમત્વ નથી.
5, ઓગષ્ટ 2019ના દિવસે મોદી સરકારે જમ્મુ-કાશ્મીરમાંથી કલન 370 હટાવવાનો નિર્ણય લીધો હતો. સાથે જ રાજ્યને બે ભાગમાં વહેંચી જમ્મુ-કાશ્મીર અને લદાખમાં વહેંચી દેવામાં આવ્યા હતાં. કેન્દ્રના આ નિર્ણયની સામે સુપ્રીમ કોર્ટમાં 23 અરજીઓ કરવામાં આવી હતી. બધાને સાંભળ્યા પછી સપ્ટેમ્બરમાં કોર્ટે નિર્ણય પેન્ડીંગ રાખ્યો હતો. 370 હટાવવાના ચાર વર્ષ, ચાર મહિના અને છ દિવસ બાદ આજે સુપ્રીમ કોર્ટમાં પાંચ જજો જસ્ટિસ ડીવાય ચંદ્રચૂડ, જસ્ટિસ સંજય કિશન કૌલ, જસ્ટિસ સંજીવ ખન્ના, જસ્ટિસ બી.આર. ગવઇ અને જસ્ટિસ સૂર્યકાંતની બેન્ચે નિર્ણય આપ્યો હતો.
આ છે સુપ્રીમ કોર્ટના નિર્ણયની મહત્વની વાતો:
- રાષ્ટ્રપતિ પાસે આર્ટિકલ 370 હટાવવાનો હક છે. આર્ટિકલ 370 હટાવવાનો નિર્ણય બંધારણીય રીતે સાચો છે.
- બંધારણના તમામ નિયમો જમ્મુ-કાશ્મીરને લાગુ છે. આ નિર્ણય જમ્મુ-કાશ્મીરની સલામતી એકતા માટે લેવામાં આવ્યો છે.
- કલમ 370 હટાવવા પાછળ કોઇ બદઇરાદા નથી.
- જમ્મુ-કાશ્મીરમાં વહેલી તકે ચૂંટણી પ્રક્રિયા માટે પલગા લેવામાં આવશે. 30મી સપ્ટેમ્બર 2024 સુધી જમ્મુ-કાશ્મીરમાં ચૂંટણી થઇ શકે છે.
- જમ્મુ-કાશ્મીરને જલ્દી જ રાજ્યનો દરજ્જો મળશે.
- કલમ 370 એક અસ્થાયી વ્યવસ્થા હતી. જમ્મુ-કાશ્મીર ભારતનો અભિન્ન અંગ છે. જમ્નુ-કાશ્મીર પાસે કોઇ પણ આંતરિક સાર્વભૌમત્વ નથી.
