ઘરમાં બનાવેલાં શુદ્ધ શાકભાજી ખાવા છે?
શાકભાજીના નિષ્ણાતો કહે છે કે જો તમે શિયાળાના ઠંડીના દિવસોમાં ઘરે ઉગાડેલા કોબીજ, વટાણા, મૂળા, સલગમ, બ્રોકોલી અને લેટસ ખાવા માંગતા હોવ તો કિચન ગાર્ડનમાં પરસેવો પાડવાનો આ યોગ્ય સમય છે. વાસ્તવમાં સપ્ટેમ્બરનો અંત અને ઑક્ટોબરનું પહેલું અઠવાડિયું ઘણા લીલા શાકભાજીની વાવણી અને વાવેતર માટે શ્રેષ્ઠ મોસમ છે. વરસાદ હવે ખતમ થઈ ગયો. વાતાવરણમાં ભેજ હોય છે, જે બીજના અંકુરણ માટે સૌથી અનુકૂળ માનવામાં આવે છે. તેથી આ સિઝનમાં ઉગાડવામાં આવતી તમામ શાકભાજીના બીજ સરળતાથી અંકુરિત થાય છે.
આ સિઝન દરમિયાન શાકભાજી ઉગાડવામાં વ્યવસાયિક રીતે કામ કરતા ખેડૂતો પણ તેમના ખેતરોમાં દિવસ-રાત કામ કરે છે જેથી નવેમ્બરના મધ્ય સુધીમાં બજાર લીલા શાકભાજીથી ભરાઈ જાય અને સામાન્ય ભારતીયોનું રસોડું બજેટ નિયંત્રણમાં આવા શકે. કોઈપણ રીતે શિયાળુ બાગકામ સ્વાસ્થ્ય અને બજેટ માટે શ્રેષ્ઠ છે, કારણ કે આ સિઝનમાં ઘણી લોકપ્રિય પ્રિય શાકભાજી સરળતાથી ઉગાડવામાં આવે છે જે આપણા બજેટમાં રાહત આપે છે.
તાજેતરના વર્ષો સુધી બ્રોકોલી ભારતમાં સૌથી મોંઘા શાકભાજીમાંનું એક હતું કારણ કે તે વિદેશી શાકભાજી હોવાનું મનાતું હતું. પરંતુ આજે બ્રોકોલી મોટા પાયે ઉગાડવામાં આવે છે, ખાસ કરીને મેટ્રોપોલિટન શહેરોની આસપાસ. આ દિવસોમાં દેશભરના શહેરોમાં બ્રોકોલીનો ક્રેઝ છે. તેથી તેને કિચન ગાર્ડનમાં પણ સરળતાથી ઉગાડી શકાય છે. તેને બીજ – રોપા દ્વારા પણ ઉગાડી શકાય છે એટલે કે નાના છોડ નજીકની નર્સરીમાંથી પણ મેળવી શકાય છે. જો તેની યોગ્ય કાળજી લેવામાં આવે તો ૬૦થી ૭૦ દિવસમાં ઘરના બગીચામાં અદ્ભુત ઓર્ગેનિક બ્રોકોલી ખીલી ઉઠશે. તેને ઉગાડવા અથવા રોપવા માટે ઓક્ટોબર શ્રેષ્ઠ સમય છે.
લીલી ડુંગળી અને દેશી ટામેટાં જો કે શિયાળા દરમિયાન બજારમાં સરળતાથી ઉપલબ્ધ હોય છે. પરંતુ તે ઘરના કિચન ગાર્ડનમાં મળી શકે તેટલા શુદ્ધ બજારમાં મળી શકતા નથી. શિયાળામાં ગરમાગરમ સૂપ બનાવવામાં લીલી ડુંગળીનો ભરપૂર ઉપયોગ થાય છે. તે ઉગાડવું અથવા રોપવું ખૂબ જ સરળ છે. તમે બજારમાંથી એક કિલો લીલી ડુંગળી ખરીદીની તેના મૂળ તમારા ઘરના કિચન ગાર્ડનમાં રોપી શકો છો અને શિયાળા દરમિયાન તાજી લીલી ડુંગળી મેળવી શકો છો. તમારે ફક્ત યોગ્ય કાળજી લેવાની
જરૂર છે.
જો તમે કૂંડામાં વાવેતર કરો છો, તો સારી ફળદ્રુપ જમીન બનાવો અને તેમાં સમાન પ્રમાણમાં જૈવિક ખાતર નાખો અને લીલી ડુંગળીની શીંગોને નિયમિત પાણી આપતા રહો અને તેની આસપાસના નીંદણને દૂર કરો, જેથી તે ઝડપથી વધે. જો તમારી પાસે તમારા કિચન ગાર્ડનમાંથી સ્થાનિક ટામેટાં હોય તો તેને ખાવાનો આનંદ અને સ્વાદ જ અલગ હોય છે.
કિચન ગાર્ડનમાં પણ ટામેટાં સરળતાથી ઉગાડવામાં આવે છે. જો તમે ઇચ્છો તો, તમે તેના હાઇબ્રિડ છોડને બજારમાંથી પણ ખરીદી શકો છો અને જો તમે ઇચ્છો તો, તમે તેને સરળતાથી ઘરે માટીમાં અથવા તમારા વાસણમાં તૈયાર કરેલી માટીમાં ઉગાડી શકો છો. – અનુ આર.