Maharashrta ચૂંટણી માટે MVA એ જાહેર કર્યો મેનિફેસ્ટો, વાયદાઓનો વરસાદ
મુંબઇ: મહારાષ્ટ્ર(Maharashrta)વિધાનસભા ચૂંટણી માટે ભાજપ બાદ હવે મહાવિકાસ અઘાડી (MVA)એ મેનિફેસ્ટો બહાર પાડયો છે. જેમાં એમવીએએ મહિલાઓ માટે મોટી જાહેરાત કરી છે. તેમને મહાલક્ષ્મી યોજના હેઠળ દર મહિને 3000 રૂપિયા આપવાનું વચન આપ્યું છે. જો સરકાર સત્તામાં આવશે તો MVA તે માટે તેનો 100 દિવસનો એજન્ડા પણ રજૂ કર્યો છે. મહાવિકાસ અઘાડીએ મહિલાઓ, ખેડૂતો, યુવાનો, આરોગ્ય, ઉદ્યોગ, સામાજિક ન્યાય, સુશાસન અને શહેરી વિકાસના મુદ્દાઓ પર કામ કરવાનું વચન આપ્યું છે. આ ઉપરાંત મહારાષ્ટ્રનું સન્માન થાય તે દિશામાં પ્રયાસો કરવા પણ ઠરાવ વ્યક્ત કરાયો છે.
Maharashtra Election 2024: વિધાનસભા ચૂંટણી પૂર્વે રાજ ઠાકરે લગાવ્યો શરદ પવાર પર આ ગંભીર આરોપ
મહિલાઓ માટે શક્તિ કાયદો લાગુ કરાશે
મહાવિકાસ અઘાડીએ પોતાના મેનિફેસ્ટોમાં મહિલાઓ પર વિશેષ ભાર મૂક્યો છે. મહિલાઓ માટે મફત બસ મુસાફરીની પણ જાહેરાત કરવામાં આવી છે. આ સિવાય તેમને 500 રૂપિયામાં એક વર્ષમાં છ ગેસ સિલિન્ડર આપવામાં આવશે. મહિલાઓ માટે શક્તિ કાયદો લાગુ કરવામાં આવશે. 9 થી 16 વર્ષની છોકરીઓને સર્વાઇકલ કેન્સરની રસી વિનામૂલ્યે આપવામાં આવશે. માસિક ધર્મના દિવસોમાં બે દિવસની રજા આપવામાં આવશે.
મહાવિકાસ અઘાડીએ ખેડૂતોને આ વચનો આપ્યા
અઘાડીએ હવે પછીનું ધ્યાન ખેડૂતો પર આપ્યું છે. ખેડૂતોની 3 લાખ રૂપિયા સુધીની લોન માફ કરવામાં આવશે. આત્મહત્યા અટકાવવા માટે ઉચ્ચ સ્તરીય સમિતિની રચના કરવામાં આવશે. આત્મહત્યા અસરગ્રસ્ત પરિવારોની વિધવાઓ અને બાળકો માટેની વર્તમાન યોજનામાં સુધારો કરવામાં આવશે. ખેડૂતોને તેમના પાકના વાજબી ભાવ મળી રહે તે માટેના
પ્રયાસો કરવામાં આવશે. આ ઉપરાંત પાક વીમા યોજનામાંથી શરતો દૂર કરીને વીમા યોજનાને સરળ બનાવવાની કામગીરી કરવામાં આવશે.
રોજગાર અને સ્વાસ્થ્ય સંબંધિત વચન
યુવા સ્નાતક અને અનુસ્નાતક શિક્ષિત બેરોજગારોને દર મહિને 4,000 રૂપિયા સુધીનું ભથ્થું આપવાનું વચન આપવામાં આવ્યું છે. રાજ્ય સરકારની 2.5 લાખ જગ્યાઓ માટે ભરતી પ્રક્રિયા શરૂ થશે. ‘મહાત્મા ફૂલે જન આરોગ્ય યોજના’નો વ્યાપ વધારવાનું કહેવામાં આવ્યું છે. વીમા યોજનાઓ પર પુનર્વિચાર કરીને સારવારની સુવિધાઓનો વિસ્તાર કરવામાં આવશે. સરકારી હોસ્પિટલોમાં મફત દવાઓ આપવાની જાહેરાત કરવામાં આવી છે.
નવી ઔદ્યોગિક નીતિ બનાવશે
મહાવિકાસ આઘાડીએ મેનિફેસ્ટોમાં કહ્યું છે કે તે નવી ઔદ્યોગિક નીતિ બનાવશે. મહિલાઓને ઉદ્યોગ સાહસિકતા માટે પ્રોત્સાહિત કરવામાં આવશે. રાજ્યમાં સૂક્ષ્મ અને લઘુ ઉદ્યોગો માટે અલગ મંત્રાલય બનાવવામાં આવશે.
સામાજિક ન્યાય
આ ઉપરાંત મહારાષ્ટ્રમાં જાતિ ગણતરી કરાવવાનું પણ વચન આપ્યું છે. અનુસૂચિત જાતિ અને આદિજાતિ વિભાગના અધિકારો માટે બજેટ નક્કી કરવાની વાત થઈ છે.
જાતિ આધારિત વસ્તી ગણતરીનું વચન આપ્યું
MVM કહે છે કે શહેરીકરણના પડકારનો સામનો કરવો પડશે અને તેને યોગ્ય દિશા આપવી પડશે. રાજ્ય નાગરિક આયોગની સ્થાપના કરવામાં આવશે. ક્લાઈમેટ ચેન્જ કટોકટી નિવારવા અને તેના ઉકેલ માટે સત્તા સ્થાપિત કરશે. સ્થાનિક સંસ્થાઓની ચૂંટણીનો કાર્યક્રમ જાહેર કરવામાં આવશે.