મહિલાઓના શરીરમાં કેલ્શિયમની ઊણપ થતાં જ જોવા મળે છે અનેક ફેરફારો
સ્વાસ્થ્ય – નિધિ ભટ્ટ
સ્ત્રીઓના શરીરમાં કેલ્શિયમની ઊણપનું જોખમ પુરુષો કરતાં વધુ હોય છે. કેલ્શિયમની ઊણપને કારણે હાડકાં નબળાં પડી જાય છે અને ઑસ્ટિયોપોરોસિસ થઈ શકે છે. એટલું જ નહીં, હાડકાં તૂટવાનું જોખમ પણ વધી જાય છે.
કેલ્શિયમ એ આપણા શરીરમાં સૌથી વધુ માત્રામાં હાજર તત્ત્વ છે, જે શરીરના હાડકાં અને દાંતના વિકાસ ઉપરાંત ઘણાં મહત્ત્વપૂર્ણ કાર્યો કરવામાં પણ મદદ કરે છે. વૃદ્ધો, સ્ત્રીઓ અને બાળકો માટે કેલ્શિયમ સૌથી મહત્ત્વપૂર્ણ છે. કેલ્શિયમ બાળકોના વિકાસમાં ઉપયોગી છે, જ્યારે વૃદ્ધોમાં તે હાડકાની ઘનતા વધારવામાં અને ફેકચર જેવી સમસ્યાઓથી બચાવવામાં મદદ કરે છે.
સ્ત્રીઓમાં કેલ્શિયમની ઊણપ વધુ જોવા મળે છે. ખાવાની આદતો અને ખરાબ જીવનશૈલીમાં બેદરકારીને કારણે આવું થાય છે. હેલ્થ નિષ્ણાતો અનુસાર, જો મહિલાઓમાં કેલ્શિયમની ઊણપ થાય છે, તો તેમના હાડકાં નબળાં પડી જાય છે અને ફ્રેક્ચરનું જોખમ વધી જાય છે. 40 પછી સ્ત્રીઓએ તેમની હાડકાની ઘનતા જાળવવા માટે કેલ્શિયમ સમૃદ્ધ ખોરાક લેવો તે ખાસ કરીને મહત્ત્વપૂર્ણ છે.
તેનાં લક્ષણો વિશે વાત કરીએ તો, સ્ત્રીઓમાં કેલ્શિયમની ઊણપનું પ્રથમ લક્ષણ પીરિયડ્સ દરમિયાન તીવ્ર દુખાવો છે. હાઈપરક્લેસીમિયાને કારણે, માસિક ધર્મ પહેલા ખેંચાણની સમસ્યા શરૂ થાય છે.
કેલ્શિયમની ઊણપને કારણે દાંતમાં દુખાવો અથવા દાંત પડવાની સમસ્યા શરૂ થાય છે. જો તમે તમારા દાંતમાં અચાનક દુખાવો અનુભવો છો, તો તમારા આહારમાં કેલ્શિયમની માત્રા વધારવી. કેલ્શિયમની ઊણપ પણ પિરિઓડોન્ટલ રોગ જેવી મૌખિક સમસ્યાઓનું કારણ બની શકે છે.
જો મહિલાઓના સ્નાયુઓમાં દુખાવો થાય છે, તો તે કેલ્શિયમની ઊણપનું પણ લક્ષણ છે. કેલ્શિયમની ઊણપને કારણે સ્નાયુઓમાં ખેંચાણ અને ક્રેપની સમસ્યા શરૂ થાય છે. જો આવું થાય તો મહિલાઓએ પોતાના આહારનું ખાસ ધ્યાન રાખવું જોઈએ.
જો શરીરમાં કેલ્શિયમની ઊણપ હોય તો તેની અસર નખ પર પણ જોવા મળે છે. નખ સ્વસ્થ દેખાતા નથી અને પીળા થવા લાગે છે એટલું જ નહીં, નખ ઝડપથી નબળા પડી જાય છે અને ખૂબ જ સરળતાથી તૂટવા લાગે છે.
સતત થાક લાગવો એ પણ શરીરમાં કેલ્શિયમની ઊણપનું લક્ષણ હોઈ શકે છે. જો તમે ઘણી ઊંઘ લો છો છતાં પણ થાક અનુભવો છો, તો તે કેલ્શિયમની ઊણપનું લક્ષણ હોઈ શકે છે.
આ સિવાય ડિપ્રેશન, હાથ-પગ સુન્ન થઈ જવા, કળતર સંવેદના, યાદશક્તિમાં ઘટાડો, મૂંઝવણ વગેરે પણ કેલ્શિયમની ઊણપનાં લક્ષણો છે.
શરીરમાં કેલ્શિયમની ઊણપનાં કારણો વિશે વાત કરીએ તો, લાંબા સમય સુધી કેલ્શિયમની ઊણપ, ખાસ કરીને બાળપણમાં, શરીરમાં કેલ્શિયમનું શોષણ ઓછું થવું, આહારમાં કેલ્શિયમની ઊણપ, સ્ત્રીઓમાં હોર્મોનલ ફેરફારો હોઈ શકે છે.
