ગુજરાત પોલીસ વિભાગમાં ફરજ બજાવતા ૫૩૮ એએસઆઈને પીએસઆઈનું પ્રમોશન
હંગામી ધોરણે શરતોને આધીન પ્રમોશન અપાયું
(અમારા પ્રતિનિધિ તરફથી)
અમદાવાદ: ગુજરાત સરકારે બુધવારે ૫૩૮ એએસઆઈને પીએસઆઈનું પ્રમોશન આપ્યું હતું. ગૃહ વિભાગે હંગામી ધોરણે શરતોને આધીન આ પ્રમોશન આપ્યું છે.
હવે આ તમામ ૫૩૮ બિનહથિયારી એએસઆઈ અધિકારીઓને પીએસઆઈ પોલીસ અધિકારી તરીકે પ્રમોશન અપાયું છે, જેઓ અલગ અલગ જગ્યાએ પીએસઆઈ તરીકે ફરજ બજાવશે.
ગુજરાત પોલીસતંત્રમાં બિનહથિયાર એએસઆઈમાં બિન હથિયાર પોલીસ સબ ઇન્સ્પેક્ટર, વર્ગ -૩ની ખાલી જગ્યાઓ ખાતાકિય બઢતીથી ભરવાની બાબતને સરકારે લીલીઝંડી આપી છે. સરકારે બિનહથિયારી પોલીસ સબ ઇન્સ્પેકટર, વર્ગ-૩ સંવર્ગની જગ્યાઓ ખાતાકીય બઢતીથી ભરવા વિભાગના તારીખ ૨૪-૦૮-૨૦૨૩ના સરખા ક્રમાંકના પત્રથી આપેલ મંજૂરી અન્વયે ફેર વિચારણા કરવા અત્રે દરખાસ્ત કરેલ જે બાબતે સરકાર કક્ષાએ વિચારણા હાથધરી બિનહથિયારી પોલીસ સબ ઇન્સ્પેકટર વર્ગ-૩ની ૫૩૮ જગ્યાઓ તદ્દન હંગામી ધોરણે બઢતીથી ભરવાની નીચેની શરતોને આધિન મંજૂરી આપવામાં આવે છે.
આ આદેશને પગલે ગુજરાતને નવા ૫૩૮ પીએસઆઈ મળશે. જેથી કાયદો અને વ્યવસ્થાની સ્થિતિ વધારે અસરકારક બનશે.
