બોલિવૂડ એક્ટ્રેસ દીપિકા પાદુકોણને લઈને એક મોટા સમાચાર સામે આવી રહ્યા છે. Deepika-Ranveerના ઘરે ટૂંક સમયમાં જ બાલકની કિલકારીઓ ગુંજશે. દીપિકા પાદુકોણ અને રણવીર સિંહે 29 ફેબ્રુઆરીએ એટલે કે આજે ઇન્સ્ટાગ્રામ પર પ્રેગ્નન્સીની જાહેરાત કરી છે.
દીપિકા પાદુકોણ અને રણવીર સિંહે છ વર્ષ સુધી ડેટિંગ કર્યા પછી 14 નવેમ્બર, 2018ના રોજ ઈટાલીના લેક કોમોમાં લગ્ન કર્યા હતા. તેમની પ્રથમ મુલાકાત સંજય લીલા ભણસાલીની ફિલ્મ ગોલિયોં કી રાસલીલા રામ-લીલાના સેટ પર થઈ હતી. બાદમાં તેઓએ બાજીરાવ મસ્તાની અને પદ્માવતમાં પણ સાથે કામ કર્યું હતું. નવેમ્બર 2023 માં, રણવીર અને દીપિકાએ બેલ્જિયમમાં તેમની 5મી લગ્નની વર્ષગાંઠની ઉજવણી કરી હતી. હવે તેઓ તેમના પ્રથમ બાળકની અપેક્ષા રાખી રહ્યા છે. આજે દીપિકા અને રણવીરે ઇન્સ્ટાગ્રામ પર ગર્ભાવસ્થાના સમાચારની જાહેરાત કરી છે. તેઓએ લખ્યું કે તેમનું બાળક સપ્ટેમ્બર 2024માં આવી રહ્યું છે.
દીપિકા પાદુકોણ ગર્ભવતી હોવાની ઘણી અટકળો લગાવવામાં આવી રહી હતી કારણ કે તે 77માં બાફ્ટા રેડ કાર્પેટ પર તેના બેબી બમ્પને છુપાવતી જોવા મળી હતી. આ ઈવેન્ટ માટે દીપિકા પાદુકોણે બોલિવૂડના ફેમસ ફેશન ડિઝાઈનર સબ્યસાચી મુખરજીની ચમકદાર સાડી અને કસ્ટમ જ્વેલરી પહેરી હતી જેથી કરીને તેનું પેટ સાડીથી ઢંકાઈ શકે.
લગ્નના 6 વર્ષ બાદ દીપિકા પાદુકોણે ફેમિલી પ્લાનિંગ અંગે પોતાનું મૌન તોડ્યું હતું. તેણે એક ઈન્ટરવ્યુમાં કહ્યું હતું કે તેને અને રણવીરને બાળકો ગમે છે અને તેઓ પરિવાર શરૂ કરવા અંગે ગંભીર છે. દીપિકાની પ્રેગ્નન્સીના સમાચાર સાંભળીને ચાહકો ઉત્સાહિત થઈ ગયા છે અને તેને અભિનંદન આપી રહ્યા છે.
