નિલેશ વાઘેલા
મુંબઇ: એચડીએફસી બેંકના ત્રીજા ક્વાર્ટરના પરિણામોને પગલે બેંક શેરોમાં જોરદાર ધોવાણ થતાં બુધવારે બેન્ચમાર્ક સૂચકાંકો BSE સેન્સેક્સ અને NSE નિફ્ટીમાં તીવ્ર વેચવાલી જોવા મળી હતી અને કડાકો બોલી ગયો હતો.
મધ્ય પૂર્વમાં તણાવ અને યુએસ ફેડ દ્વારા વ્યાજ દરમાં ઘટાડો થવાની આશા મંદ થવાને કારણે રોકાણકારોના ડરમાં વધારો થયો છે.
મુંબઇ સમચારમાં સોમવારે અને મંગળવારે ચેતવણી અપાઈ હતી કે ખાસ કરીને બેન્ચ માર્કને ઉચ્ચ સ્તરે પહોંચાડનારી એકધારી તેજી જોતા ગમે ત્યારે તીવ્ર કરેક્ષન ત્રાટકશે.
તમામ ક્ષેત્રીય સૂચકાંકો નેગેટિવ ઝોનમાં છે, જેમાં બેંકિંગ અને નાણાકીય ક્ષેત્રો 2% થી વધુ ધોવાઈ રહ્યા છે.
કેટલાક નકારાત્મક વૈશ્વિક અને સ્થાનિક સંકેતોથી પ્રભાવિત થતાં નજીકના ગાળામાં બજાર થોડું નબળું રહેવાની શક્યતા છે. વૈશ્વિક નકારાત્મકતા યુએસ (10-વર્ષની ઉપજ 4.04% પર છે) યુએસમાં વધતી બોન્ડ યીલ્ડને કારણે આવશે. આ વર્ષે ફેડ તરફથી દરમાં ઘટાડો મોકૂફ થવાની ચિંતા છે. હવે સંકેતો છે કે ફેડ માર્ચમાં કાપ મૂકે તેવી શક્યતા નથી અને 2024માં કુલ કટ પાંચ કે છ નહીં હોય જે બજારે આંશિક રીતે ડિસ્કાઉન્ટ કર્યું હતું.
વૈશ્વિક ઇક્વિટી બજારો પર ખેંચાણ હોવા મળ્યું છે. સ્થાનિક રીતે, અર્થવ્યવસ્થા સારી રીતે ચાલી રહી હોવા છતાં અને કોર્પોરેટ કમાણી સારી હોવા છતાં, વેલ્યુએશન એલિવેટેડ છે જે કરેક્શનની ખાતરી આપે છે.