મુંબઈ : ભારતીય શેરબજારની સપ્તાહ બીજા દિવસે તેજી સાથે શરૂઆત થઈ છે. જેમાં શરૂઆતી ટ્રેડમાં સેન્સેક્સ 239.57 પોઈન્ટ વધીને 80,604.51 પર ખુલ્યો છે. જયારે નિફ્ટી પણ 69.45 પોઈન્ટ વધીને 24,704.35 પર ખુલ્યો છે. જેમાં આજે નિફ્ટીમાં ટાઇટન , એશિયન પેઇન્ટ્સ, સિપ્લા, હિન્ડાલ્કો, ટાટા કન્ઝ્યુમર વધ્યા છે. જ્યારે એસબીઆઈ લાઇફ ઇન્શ્યોરન્સ, ટાટા મોટર્સ, એસબીઆઈ, ટેક મહિન્દ્રા અને ડૉ. રેડ્ડીઝ લેબ્સમાં ઘટાડો થયો છે.
એશિયન બજારોમાં મિશ્ર વલણ
જયારે મંગળવારે એશિયન બજારોમાં મિશ્ર વલણ જોવા મળ્યું છે. જેમાં જાપાનનો નિક્કી 225 0.32 ટકા ઘટ્યો, જ્યારે ટોપિક્સ 0.21 ટકા ઘટ્યો. દક્ષિણ કોરિયાનો કોસ્પી 0.27 ટકા વધ્યો હતો. જ્યારે કોસ્ડેક 0.18 ટકા વધ્યો છે.
અમેરિકન બજાર વધારા સાથે બંધ થયા
આ ઉપરાંત અમેરિકન બજાર સોમવારે વધારા સાથે બંધ થયા હતા. જેમાં ડાઉ જોન્સ ઇન્ડસ્ટ્રિયલ એવરેજ 68.78 પોઈન્ટ વધીને 46,316.07 પર બંધ થયો હતો. જ્યારે એસ એન્ડ પી 500 17.51 પોઈન્ટ વધીને 6,661.21 પર બંધ થયો હતો. જયારે નાસ્ડેક કમ્પોઝિટ 107.09 પોઈન્ટ વધીને 22,591.15 પર બંધ થયો હતો.
