મુંબઈ: આ મહિનાની શરૂઆતમાં અમેરિકાના રાષ્ટ્રપતિ ડોનાલ્ડ ટ્રમ્પે (Donald Trump) નવી ટેરીફ પોલિસી લાગુ કર્યા બાદ ભારતના શેર બજાર(Indian Stock Market)માં ઉતારચઢાવ જોવા મળ્યા હતાં. ટ્રમ્પે ટેરીફ પોલિસી 90 દિવસ માટે મુલતવી રાખવાની જાહેરાત કરી હતી. ગઈ કાલે ગુરુવારે રજા બાદ આજે ભારતીય શેરબજાર તેજી સાથે ખુલ્યું. આજે અઠવાડિયાના છેલ્લા કારોબારી દિવસે, બોમ્બે સ્ટોક એક્સચેન્જ(BSE) સેન્સેક્સ 988.34 પોઈન્ટના વધારા સાથે 74,835.49 પોઈન્ટ પર ખુલ્યો અને NSE નિફ્ટી 50 ઈન્ડેક્સ 296.25 પોઈન્ટના વધારા સાથે 22,695.40 પોઈન્ટ પર ખુલ્યો.
આજે શુક્રવારે, સેન્સેક્સની 30 માંથી 28 કંપનીઓના શેર વધારા સાથે ગ્રીન સિગ્નલમાં ખુલ્યા હતાં, જ્યારે બાકીની 2 કંપનીઓના શેર ઘટાડા સાથે રેડ સિગ્નલમાં ખુલ્યા હતાં. બીજી તરફ, નિફ્ટીની તમામ 50 કંપનીઓના શેરોએ વધારા સાથે ગ્રીન સિગ્નલમાં ટ્રેડીંગ શરુ કર્યું હતું.
આજે, સેન્સેક્સ કંપનીઓમાં સન ફાર્માના શેર સૌથી વધુ 4.80 ટકાના વધારા સાથે ખુલ્યા અને TCSના શેર સૌથી વધુ 0.10 ટકાના ઘટાડા સાથે ખુલ્યા.
આ શેરોમાં તેજી:
આહે BSE પર ટાટા મોટર્સના શેર 3.52 ટકા, ટાટા સ્ટીલ 2.79 ટકા, ટેક મહિન્દ્રા 2.15 ટકા, HDFC બેંક 1.84 ટકા, એટરનલ 1.84 ટકા, ઇન્ફોસિસ 1.77 ટકા, અલ્ટ્રાટેક સિમેન્ટ 1.70 ટકા, અદાણી પોર્ટ્સ 1.65 ટકા, બજાજ ફાઇનાન્સ 1.58 ટકા, ટાઇટન 1.57 ટકા, લાર્સન એન્ડ ટુબ્રો 1.57 ટકા, બજાજ ફિનસર્વ 1.49 ટકા, રિલાયન્સ ઇન્ડસ્ટ્રીઝ 1.43 ટકા, સ્ટેટ બેંક ઓફ ઇન્ડિયા 1.41 ટકા, ભારતી એરટેલ 1.41 ટકા, HCL ટેક 1.17 ટકા, હિન્દુસ્તાન યુનિલિવર 1.06 ટકા, ICICI બેંક 1.04 ટકા, પાવર ગ્રીડ 1.01 ટકાના વધારા સાથે ખુલ્યા.
NTPC, નેસ્લે ઈન્ડિયા, કોટક મહિન્દ્રા બેંક, મારુતિ સુઝુકી, મહિન્દ્રા એન્ડ મહિન્દ્રા, ITC, એશિયન પેઇન્ટ્સ અને એક્સિસ બેંકના શેર પણ વધારા સાથે ખુલ્યા.
આપણ વાંચો: અમેરિકના ટેરિફ વોર સહિત આ કારણોથી વૈશ્વિક શેરબજારમા હાહાકાર, મંદીના સંકેત
આ અઠવાડિયે શેર બજારમાં ઉથલપાથલ:
આ અઠવાડિયે સોમવારે ભારતીય શેરબજારમાં મોટું ગાબડું પડ્યું હતું ટાયર બાદ, મંગળવારે બજારમાં રિકવરી જોવા મળી હતી. પરંતુ બુધવારે બજારમાં ફરી એકવાર ઘટાડો નોંધાયો. ગુરુવારે મહાવીર જયંતિ નિમિત્તે શેરબજાર બંધ હતું, આજે બજાર ગ્રીન સિગ્નલમાં ખુલતા રોકાણકારોને રાહત મળી છે.