મુંબઇ : અમેરિકાની ટ્રેડ ડીલ મુદ્દે સસ્પેન્સના પગલે ભારતીય શેરબજારની સતત બીજા દિવસે ફ્લેટ શરૂઆત થઇ છે. જેમાં આજે સેન્સેક્સ 40.56 પોઈન્ટ ઘટીને 83,401.94 પોઈન્ટ પર ટ્રેડ કરી રહ્યો છે. બીજી તરફ નિફ્ટી 7.20 પોઈન્ટ ઘટીને 25,454.10 પર ખુલ્યો છે. જેમાં સેન્સેક્સના શેરો પર નજર કરીએ તો, કોટક મહિન્દ્રા બેંક, ટાટા મોટર્સ, એશિયન પેઇન્ટ્સ, બીઇએલ, એનટીપીસી વગેરે શેરોમાં વધારો જોવા મળ્યો છે. બીજી તરફ જો ઘટતા શેરો પર નજર કરીએ તો, ટાઇટન, સન ફાર્મા, એચસીએલ ટેક, મહિન્દ્રા એન્ડ મહિન્દ્રાના શેરોમાં ઘટાડો જોવા મળ્યો છે.
એશિયન બજારોમાં વધારો જોવા મળ્યા
જયારે ડોનાલ્ડ ટ્રમ્પ દ્વારા જાપાન અને દક્ષિણ કોરિયા સહિત 14 દેશ પર ભારે ટેરિફની જાહેરાત કર્યા પછી એશિયન બજારો મોટાભાગે ઊંચા ટ્રેડ થયા હતા. જાપાનનો નિક્કી 225 0.36 ટકા વધ્યો હતો, જ્યારે ટોપિક્સ ઇન્ડેક્સ 0.31 ટકા વધ્યો હતો. દક્ષિણ કોરિયાનો કોસ્પી ઇન્ડેક્સ 0.44 ટકા અને કોસ્ડેક 0.19 ટકા વધ્યો હતો. હોંગકોંગનો હેંગ સેંગ ઇન્ડેક્સ ફ્યુચર્સ નબળા ઓપનિંગનો સંકેત આપે છે.
આપણ વાંચો: RBIના આ છ નિયમ જાણી લેશો તો CIBILને લઈને કોઈ નહીં બનાવી શકે ઉલ્લુ…
યુએસ શેરબજાર તીવ્ર ઘટાડા સાથે બંધ થયું
આ ઉપરાંત સોમવારે રાષ્ટ્રપતિ ટ્રમ્પે 14 દેશો પર ભારે ટેરિફની જાહેરાત કરતા યુએસ શેરબજાર તીવ્ર ઘટાડા સાથે બંધ થયું. ડાઉ જોન્સ ઇન્ડસ્ટ્રિયલ એવરેજ 422.17 પોઇન્ટ ઘટીને 44,406.36 પર બંધ થયો. જ્યારે, એસએન્ડપી 500 49.37 પોઇન્ટ ટકા ઘટીને 6,229.98 પર બંધ થયો. નાસ્ડેક કમ્પોઝિટ 188.59 પોઇન્ટ ઘટીને 20,412.52 પર બંધ થયો.
