અગ્રણી FMCG કંપની ITC પાસે ITC પાસે સિગારેટ સેગમેન્ટમાં દેશમાં સૌથી વધુ વેચાતી બ્રાન્ડ્સ છે. ગ્રાહકો તેમની પસંદગી અનુસાર આ બ્રાન્ડની વિવિધ સિગારેટ ખરીદે છે. કંપનીએ સપ્ટેમ્બર 2024 ના રોજ સમાપ્ત થતા વર્તમાન નાણાકીય વર્ષના બીજા ત્રિમાસિક ગાળાના પરિણામો જાહેર કર્યા છે. આ ક્વાર્ટરમાં કંપનીનો નફો વાર્ષિક ધોરણે વધ્યો છે. આ ઉપરાંત કંપનીની આવકમાં પણ વધારો થયો છે. સિગારેટ ઉપરાંત, આ કંપની બિસ્કિટ, ફ્રોઝન ફૂડ અને અન્ય FMCGનું ઉત્પાદન તેમ જ હોટેલ, ધૂપ, મેચબોક્સ અને સ્ટેન્સિલ જેવા ક્ષેત્રોમાં બિઝનેસ કરે છે.
જોકે, કંપનીને સિગારેટના ઉત્પાદનમાંથી વધુ નફો મળે છે. ચાલુ નાણાકીય વર્ષ 2024-25 ના જુલાઈ-સપ્ટેમ્બર ક્વાર્ટરમાં ITC કંપનીનો કુલ ચોખ્ખો નફો 1.8 ટકા વધી 5,054.43 કરોડ રૂપિયા થયો છે. ગયા વર્ષના આ જ સમયગાળામાં કંપનીએ રૂ. 4,964.52 કરોડનો નફો નોંધાવ્યો હતો. આ સમયગાળા દરમિયાન તેમનો બિઝનેસ 6.6 ટકા વધીને રૂ. 8,877.86 કરોડ થયો છે.
આ પણ વાંચો….Mobile ફોનના ગ્રાહકોને મળશે રાહત, 1 નવેમ્બરથી બદલાશે આ નિયમ
જુલાઈ-સપ્ટેમ્બર ક્વાર્ટરમાં ITCની ઓપરેશનલ આવક રૂ. 19,270.02 કરોડથી 15.62 ટકા વધીને રૂ. 22,281.89 કરોડ થઈ છે. આ જ સમયગાળા દરમિયાન કંપનીનો કુલ ખર્ચ 20.92 ટકા વધીને રૂ. 16,056.86 કરોડ થયો છે.
