યુપીની ટીમને કેમેય કરીને દીપ્તિ શર્મા પાછી જોઈતી હતી અને મેળવી જ લીધી

નવી દિલ્હીઃ વિમેન્સ પ્રીમિયર લીગ (WPL)ની 2026ની સીઝન માટેના પ્લેયર્સ ઑક્શનમાં ગુરુવારે દિલ્હીમાં યુપી વૉરિયર્ઝ ટીમના ફ્રૅન્ચાઇઝીએ ભારતની ટોચની ઑલરાઉન્ડર દીપ્તિ શર્મા (DEEPTI SHARMA)ને ગમે એમ કરીને પાછી મેળવવાનું નક્કી કર્યું હતું અને તેને જે કિંમતે પાછી મેળવવાની યોજના વિચારી રાખી હતી એની આસપાસના ભાવે તેને મેળવી લીધી હતી.

દીપ્તિને યુપી વૉરિયર્ઝે 50 લાખ રૂપિયાની મૂળ કિંમત સામે 3.20 કરોડ રૂપિયામાં મેળવી હતી. ઑક્શન માટે આ જ ટીમના માલિકોએ તેને રીલીઝ કરી હતી અને તેને રાઇટ ટૂ મૅચ (આરટીએમ)ની સગવડ સાથે 3.20 કરોડ રૂપિયામાં પાછી મેળવી હતી. ગઈ સીઝનમાં તેને 2.00 કરોડ-પ્લસમાં મેળવી હતી. દીપ્તિ હવે ડબ્લ્યૂપીએલમાં 2024ની સાલમાં ટાઇટલ જીતનાર રૉયલ ચૅલેન્જર્સ બેંગલૂરુ વિમેન ટીમની ચૅમ્પિયન કૅપ્ટન સ્મૃતિ મંધાના (3.40 કરોડ રૂપિયા)થી માત્ર 20 લાખ રૂપિયા દૂર છે. સ્મૃતિ ડબ્લ્યૂપીએલની સૌથી મોંઘી ભારતીય ખેલાડી છે.

ગુરુવારના ઑક્શનમાં અનસૉલ્ડ રહેલી કેટલીક ખેલાડીઓની યાદી આ મુજબ છેઃ અલીઝા હિલી, ઇસ્સી વૉન્ગ, સાયલી સતઘરે, વૈષ્ણવી શર્મા, અશ્વાની કુમાર, સાઇમા ઠાકોર, આયુષી શુક્લા, પ્રગતિ સિંહ, હીધર નાઇટ, તેજલ હસબનીસ, શુચી ઉપાધ્યાય, લી તાહુહુ, ભારતી રાવલ, શબનમ શકીલ, અમનદીપ કૌર, ખુશી ભાટિયા, ડી. વૃંદા, અલાના કિંગ, ઉમા ચેટ્રી, તૅઝમિન બ્રિટ્સ, એસ. મેઘના, ઍમી જોન્સ.

વિમેન્સ પ્રીમિયર લીગના મેગા ઑક્શનની સૌથી મોંઘી ખેલાડીઓ

આ પણ વાંચો….દીપ્તિ શર્મા સૌથી મોંઘીઃ યુપીએ 3.20 કરોડ રૂપિયામાં મેળવી