સ્પોર્ટસ
સાનિયા સહિતના ભારતીય ખેલાડીઓ બોપન્ના પર આફરીન
હૈદરાબાદ: સાનિયા મિર્ઝા થોડા દિવસથી પાકિસ્તાની પતિ શોએબ મલિક સાથેના ડિવૉર્સને કારણે ન્યૂઝમાં છે. જોકે બુધવારે સાનિયા ભારતના ટોચના ડબલ્સ ટેનિસ-ખેલાડી રોહન બોપન્નાની નંબર-વનની સિદ્ધિ બદલ બેહદ ખુશ હતી. સાનિયાએ સોશિયલ મીડિયામાં લખ્યું, ‘સો પ્રાઉડ રો (રોહન)….આ સર્વોચ્ચ રૅન્ક બદલ તને ખૂબ ખૂબ અભિનંદન. ખરેખર, તું જ આ સર્વોત્તમ ક્રમાંક માટે લાયક હતો.’
ભારતના બીજા ટેનિસ-સ્ટાર સોમદેવ દેવવર્મને કહ્યું છે કે ‘બોપન્નાએ મને પાંચ વર્ષ પહેલાં જ કહેલું કે તે રિટાયરમેન્ટ લેવા વિચારી રહ્યો છે. ચાર વર્ષ પહેલાં પણ તેણે મને આવું કહ્યું હતું અને ત્રણ વર્ષ અગાઉ પણ તેનો આ વિચાર હતો. હવે વાસ્તવિકતા એ છે કે તે ટેનિસ ડબલ્સનો નંબર-વન બની ગયો. બોપન્ના ફૅમિલી માટે આનાથી વધુ ખુશીનો અવસર બીજો નહીં હોય.’ ભારતના ટેનિસ લેજન્ડ મહેશ ભૂપતિએ પણ બોપન્નાને અભિનંદન પાઠવ્યા હતા.