દુબઈઃ ભારતનો લેગબ્રેક ગૂગલી સ્પેશ્યાલિસ્ટ વરુણ ચક્રવર્તી ટી-20 એશિયા કપની બે મૅચમાં માત્ર બે વિકેટ લઈ શક્યો છે, પરંતુ તે સર્વોચ્ચ રેટિંગ-પૉઇન્ટ બદલ પહેલી જ વખત આઇસીસી ટી-20 રેન્કિંગ (RANKINGS)માં નંબર-વન થઈ ગયો છે. આ સિદ્ધિ મેળવનાર ભારતનો તે ત્રીજો બોલર છે. આ પહેલાં ફાસ્ટ બોલર જસપ્રીત બુમરાહ અને લેગ-સ્પિનર રવિ બિશ્નોઈએ ટી-20માં નંબર-વન બોલરની રૅન્ક મેળવી હતી.
34 વર્ષીય વરુણની ગણના `મિસ્ટ્રી સ્પિનર’ તરીકે થાય છે. ભલભલા બૅટ્સમૅનને પોતાના રહસ્યમય સ્પિનથી ચક્કર ખવડાવી દેતા વરુણે ત્રણ ક્રમની જોરદાર છલાંગ લગાવીને ટી-20ની દુનિયાનો નંબર-વન (number one) બોલર બની ગયો છે.
Topping the T20I Bowling Charts!
— BCCI (@BCCI) September 17, 2025
Say hello to the No. bowler in the ICC Men's T20I Rankings!
Well done, Varun Chakaravarthy! #TeamIndia | @chakaravarthy29 pic.twitter.com/BTxX2JuNat
વરુણ આ પહેલાં (ફેબ્રુઆરી, 2025માં) વધુમાં વધુ બીજી રૅન્ક સુધી પહોંચ્યો હતો. આ વખતે તેણે માર્ચ મહિનાથી નંબર-વનના સિંહાસન પર બેઠેલા ન્યૂ ઝીલૅન્ડના જૅકબ ડફીને હટાવીને નંબર-વનની રૅન્ક મેળવી લીધી છે. કુલદીપ યાદવે એશિયા કપમાં યુએઇ તથા પાકિસ્તાન સામે અનુક્રમે ચાર અને ત્રણ વિકેટ લઈને ભારતને સુપર-ફોર રાઉન્ડમાં પહોંચાડી દીધું. આ સુપર પર્ફોર્મન્સને કારણે રૅન્કિંગમાં કુલદીપે 16 ક્રમની છલાંગ લગાવી છે અને 23મા સ્થાને આવી ગયો છે. સ્પિન-ઑલરાઉન્ડર અક્ષર પટેલ એક સ્થાન આગળ આવ્યો છે અને હાલમાં 12મા નંબરે છે.
VARUN RULING DUBAI…!!!!
— Johns. (@CricCrazyJohns) March 2, 2025
– What a bowler, gets Dangerous Phillips, India on top. pic.twitter.com/ypxkWd7VEZ
આઇસીસીના નિવેદનમાં જણાવાયું હતું કે ` ભારતીય સ્પિનર વરુણ ચક્રવર્તીનું ફૉર્મ 2025માં સતત સારું રહ્યું છે જેને પગલે તે હવે નંબર-વન થઈ ગયો છે.’
