નવી દિલ્હીઃ 31મી ઑગસ્ટનો દિવસ સુપર સન્ડે હતો જે દિવસે ત્રણ ટૂર્નામેન્ટની ફાઇનલ રમાઈ હતી. કેટલાક લોકો આને ક્રિકેટનો અતિરેક કહે છે તો અમુક ક્રિકેટપ્રેમીઓનું માનવું છે કે રવિવારે તો જલસો પડી ગયો.
West Delhi Lions are the Champions of the Adani Delhi Premier League 2025!
— Delhi Premier League T20 (@DelhiPLT20) August 31, 2025
West Delhi Lions | Nitish Rana | Delhi Premier League 2025 | #AdaniDPL2025 #DPL2025 #DPL #Delhi #Cricket pic.twitter.com/wLzmbq6b8A
દિલ્હી પ્રીમિયર ટી-20 લીગમાં કિંગ્સ સામે લાયન્સનો વિજય થયો હતો. નીતીશ રાણાના સુકાનમાં વેસ્ટ દિલ્હી લાયન્સે ટાઇટલ જીતી લીધું હતું. રવિવારે ફાઇનલમાં સેન્ટ્રલ દિલ્હી કિંગ્સને ફાઇનલમાં વેસ્ટ દિલ્હી લાયન્સે છ વિકેટે પરાજિત કરી હતી. વેસ્ટ દિલ્હીના કૅપ્ટન નીતીશ રાણાએ 49 બૉલમાં સાત સિક્સર અને ચાર ફોરની મદદથી અણનમ 79 રન કર્યા હતા અને મૅન ઑફ ધ ફાઇનલનો પુરસ્કાર જીતી લીધો હતો.
#TheHundredFinal pic.twitter.com/vkTMDiPBKs
— The Hundred (@thehundred) August 31, 2025
ઇંગ્લૅન્ડની 100-100 બૉલવાળી `ધ હન્ડ્રેડ’ લીગમાં સૅમ બિલિંગ્સના નેતૃત્વમાં ઓવલ ઇન્વિન્સિબલ્સ નામની ટીમે ફાઇનલમાં ટ્રેન્ટ રૉકેટ્સને પરાજિત કરી હતી. ઓવલ (Oval)ની ટીમે સતત ત્રીજા વર્ષે આ સ્પર્ધા જીતી લીધી છે. ઓવલની ટીમે વિલ જૅક્સના 72 રનની મદદથી 100 બૉલમાં પાંચ વિકેટના ભોગે 168 રન કર્યા હતા. ટ્રેન્ટ વતી માર્કસ સ્ટોઇનિસે (STOINIS) બે વિકેટ લીધી હતી. ટ્રેન્ટની ટીમ 100 બૉલમાં 169 રનના લક્ષ્યાંકને મેળવવા જતાં આઠ વિકેટના ભોગે માત્ર 142 રન કરી શકી હતી. સ્ટોઇનિસે 38 બૉલમાં 64 રન કર્યા હતા, પરંતુ તેની બધી મહેનત પાણીમાં ગઈ હતી.
`ધ હન્ડ્રેડ’માં મહિલાઓની સ્પર્ધાની ફાઇનલમાં સધર્ન બ્રેવ (100 બૉલમાં છ વિકેટે 115 રન) સામે નૉર્ધર્ન સુપરચાર્જર્સે (88 બૉલમાં ત્રણ વિકેટે 116 રન) સાત વિકેટે વિજય મેળવ્યો હતો.
What a day at #TheHundredFinal pic.twitter.com/Iim0sLkIzX
— The Hundred (@thehundred) September 1, 2025
