બોલિંગમાં શમી, આકાશ-મુકેશના તરખાટ
રાજકોટ: બેંગાલ અને જમ્મુ-કાશ્મીર વચ્ચે અહીં આજે વિજય હઝારે ટ્રોફી (Vijay Hazare Trophy) વન-ડે ટૂર્નામેન્ટની મૅચ બહુ જલ્દી સમાપ્ત થઈ ગઈ હતી. કુલ 100 ઓવરની આ મૅચનું પરિણામ 30.1 ઓવરમાં આવી ગયું હતું.
બેંગાલ (Bengal)ને જીતવા માત્ર 64 રનનો લક્ષ્યાંક મળ્યો હતો જે એણે 9.3 ઓવરમાં માત્ર એક વિકેટ ગુમાવીને મેળવી લીધો હતો. ફીલ્ડિંગમાં ત્રણ કૅચ ઝીલનાર વિકેટકીપર અભિષેક પોરેલ 30 રન અને સુદીપ કુમાર ઘરામી પચીસ રન કરીને અણનમ રહ્યા હતા.
How long will the selectors continue to ignore Mohammed Shami? He's consistently performing well, and he's sure to get a place in the squad for the New Zealand series. #VijayHazareTrophy
— AtifOnCricket 🏏 (@cricatif) December 31, 2025
Today First Spell Against J&K :
Over – 6
Maiden – 2
Runs – 14
Wicket – 2 pic.twitter.com/hTrlLQHcDs
એ પહેલાં, જમ્મુ-કાશ્મીરની ઇનિંગ્સ 20.4 ઓવરમાં ફક્ત 63 રનમાં સમેટાઇ ગઈ હતી. જમ્મુ-કાશ્મીરના ધબડકાની શરૂઆત મોહમ્મદ શમીએ કરી હતી. તેણે મૅચના બીજા જ બૉલમાં ઓપનર કામરાન ઇકબાલ (0)ની વિકેટ અપાવી હતી. પહેલી ત્રણમાંથી બે વિકેટ મોહમ્મદ શમીએ લીધી હતી.
બીજા બે પેસ બોલર મુકેશ કુમાર (16 રનમાં ચાર) અને આકાશ દીપ (32 રનમાં ચાર)ની પણ જમ્મુ-કાશ્મીરની ટીમને 63 રનમાં આઉટ કરવામાં મોટી ભૂમિકા હતી.
જમ્મુ-કાશ્મીરની ટીમમાં ત્રણ બૅટ્સમેનના ઝીરો હતા અને માત્ર બે બૅટ્સમેનના રન ડબલ ડિજિટમાં હતા.
