ભારત આટલું વહેલું પહેલી જ વખત જીત્યું!
યુએઈને 57 રનમાં આઉટ કર્યા પછી 4.3 ઓવરમાં ભારતે ખેલ ખતમ કર્યો, બીજા ઘણા વિક્રમ બન્યા
દુબઈ: બુધવારે અહીં ટી-20 એશિયા કપ (Asia cup)માં ચેમ્પિયન અને વર્લ્ડ નંબર-વન ભારત (India)ને યજમાન યુએઈ (UAE)ની ટીમ થોડીઘણી લડત આપશે જ એવું મનાતું હતું, પરંતુ યુએઈનું ટાંઈ ટાંઈ ફિસ થઈ ગયું હતું કારણકે મુહમ્મદ વસીમની ટીમ માત્ર 13.1 ઓવરમાં 57 રનના કુલ સ્કોર પર ઑલઆઉટ થઈ ગઈ હતી અને ભારતે એક જ વિકેટે 60 રન કરીને વિજય મેળવ્યો હતો. આ મૅચમાં ભારતીય ટીમે સૌથી વહેલી જીત મેળવવા સહિત ઘણા વિક્રમ રચ્યા હતા:
A dominating show with the bat!
— BCCI (@BCCI) September 10, 2025
A 9-wicket win for #TeamIndia after chasing down the target in 4.3 overs.
Scorecard https://t.co/Bmq1j2LGnG#AsiaCup2025 | #INDvUAE pic.twitter.com/ruZJ4mvOIV
(1) 13.1 ઓવર (79 બૉલમાં) યુએઈની ટીમનો 57 રનના સ્કોર પર વીંટો ગયો હતો. ભારતે 4.3 ઓવરમાં (27 બૉલમાં) એક વિકેટે 60 રન કરીને મૅચ જીતી લીધી હતી. આ મૅચ કુલ 106 બૉલમાં પૂરી થઈ ગઈ હતી અને ભારતે જીતી હોય એવી મૅચોમાં આ સૌથી ટૂંકી હતી. આખી મૅચ 17.4 ઓવર સુધી ચાલી હતી. આ અગાઉ ભારતનો રેકોર્ડ સ્કોટલેન્ડ સામે હતો. 2021માં એ મૅચ 24.1 ઓવરમાં પૂરી થઈ હતી.
The wait was worth it
— Surya Kumar Yadav (@surya_14kumar) September 10, 2025
Back on the field and starting with a win pic.twitter.com/wlyihV73CQ
(2) ભારતે 93 બૉલ બાકી રાખીને વિજય મેળવ્યો હતો. પુરુષોની ટી-20 ક્રિકેટમાં સૌથી વધુ બૉલ બાકી રાખીને મૅચ જીતી લીધી હોય એમાં ભારતનો આ વિજય સૌથી મોટો હતો. આ પહેલાંના રેકૉર્ડમાં ભારતે 2021ના વર્લ્ડ કપમાં સ્કોટલેન્ડને 81 બૉલ બાકી રાખીને હરાવ્યું હતું.
Kuldeep Yadav today: CINEMA #PlayBold #ನಮ್ಮRCB #AsiaCup #INDvUAE pic.twitter.com/Bv9VUN9LPq
— Royal Challengers Bengaluru (@RCBTweets) September 10, 2025
(3) યુએઈના 57 રન મેન્સ ટી-20માં ભારત સામેનો સૌથી નીચો ટીમ-સ્કોર છે. ભારતનો આ અગાઉનો રેકોર્ડ ન્યૂ ઝીલેન્ડ સામે હતો જેમાં 2023માં અમદાવાદમાં ભારતે 235 રન કર્યા પછી કિવીઓને 66 રનમાં ઑલઆઉટ કરી નાખ્યા હતા.
(4) યુએઈના બુધવારના 57 રન મેન્સ ટી-20 એશિયા કપમાં બીજા નંબરનો સૌથી નીચો સ્કોર છે. હોંગ કોંગના પાકિસ્તાન સામેના 38 રન આ રેકોર્ડ બુકમાં લોએસ્ટ સ્કોર છે.
(5) સ્પિનર કુલદીપ યાદવની 7 રનમાં 4 વિકેટ મેન્સ ટી-20 એશિયા કપમાં સેકન્ડ બેસ્ટ બોલિંગ ઍનેલિસિસ છે. આ યાદીમાં ભુવનેશ્વર કુમાર (2022માં અફઘાનિસ્તાન સામે 4 રનમાં 5 વિકેટ) મોખરે છે.
(6) આંતરરાષ્ટ્રીય ક્રિકેટમાં ભારત લાગલગાટ 15 મૅચમાં ટૉસ હાર્યું હતું. બુધવારે છેક 16મી મૅચમાં ભારતને ટૉસ જીતવા મળ્યો હતો. પુરુષોની આંતરરાષ્ટ્રીય ક્રિકેટમાં કોઈ એક જ દેશ સતત 15 વખત ટૉસ હાર્યો હોય એવું પહેલી વખત બન્યું છે અને ભારતના નામે આ વિશ્વવિક્રમ અંકિત થયો છે.
આપણ વાંચો: ભારત-પાક ક્રિકેટ મેચ રદ કરવા સુપ્રીમ કોર્ટમાં અરજી; જાણો કોર્ટે શું કહ્યું
