T20 World Cup: શનિવારે ટી-20 વર્લ્ડ કપમાં રમાશે ચાર મૅચ, જાણો કોણ કોની સામે રમશે…
સ્કોટલેન્ડે નામિબિયાને 19મી ઓવરમાં હરાવ્યું
પ્રોવિડન્સ/ન્યૂ યોર્ક: ટી-20 વર્લ્ડ કપમાં શનિવાર, આઠમી જૂને એક પછી એક ચાર મેચ રમાવાની છે. આ ચાર મેચની આઠ હરીફ ટીમ કોઈ નાના દેશની નહીં, પરંતુ અગાઉ વિશ્વ કપમાં એકબીજા સામે વારંવાર રમી ચૂકેલી ટીમો છે.
ગયાનામાં ન્યૂ ઝીલેન્ડ અને અફઘાનિસ્તાન વચ્ચે (ભારતીય સમય અનુસાર સવારે 5:00 વાગ્યાથી) મુકાબલો થશે.
અમેરિકાના ડલાસમાં શ્રીલંકા અને બાંગ્લાદેશ વચ્ચે ટક્કર (ભારતીય સમય અનુસાર સવારે 6.00 વાગ્યાથી) થશે, જ્યારે ત્રીજી મેચ ન્યૂ યોર્કમાં સાઉથ આફ્રિકા અને નેધરલેન્ડ્સ વચ્ચે (ભારતીય સમય અનુસાર રાત્રે 8:00 વાગ્યાથી) રમાશે.
શનિવારે ચોથો મુકાબલો “કાંટે કી ટક્કર” જેવો હશે. એ મેચ (ભારતીય સમય અનુસાર રાત્રે 10:30 વાગ્યાથી)માં કટ્ટર હરીફો ઓસ્ટ્રેલિયા અને ઇંગ્લેન્ડ સામસામે આવશે.
શુક્રવારે સવારે નામિબિયા (20 ઓવરમાં 155/9)નો સ્કોટલેન્ડ (18.3 ઓવરમાં 157/5) સામે પાંચ વિકેટે પરાજય થયો હતો.
યાદ રહે, રવિવારે ન્યૂ યોર્કમાં ભારતીય સમય અનુસાર રાત્રે 8:00 વાગ્યાથી ભારત અને પાકિસ્તાન વચ્ચે હાઇ વોલ્ટેજ મુકાબલો થવાનો છે.