સ્મૃતિ-પલાશના પ્રકરણમાં વધુ એક મિસ્ટ્રી ગર્લ નંદિકાની એન્ટ્રી, યુગલે ` બૂરી નઝર’વાળું ઇમોજી કેમ રાખ્યું

મુંબઈઃ તાજેતરના વર્લ્ડ કપમાં ભારત વતી સૌથી વધુ 434 રન કરીને ભારતને પહેલી વાર વર્લ્ડ ચૅમ્પિયન બનવામાં મહત્ત્વનું યોગદાન આપનાર સ્મૃતિ મંધાનાના ગયા રવિવાર, 23મી નવેમ્બરે સાંગલીમાં મ્યૂઝિક કમ્પોઝર પલાશ મુચ્છલ સાથેના લગ્ન (સ્મૃતિના) પિતા શ્રીનિવાસ મંધાનાની તબિયત અચાનક બગડી જવાને કારણે મોકૂફ રાખવામાં આવ્યા હતા,

પરંતુ આ હાઈ-પ્રૉફાઇલ મૅરેજ મુલતવી કેમ રાખવામાં આવ્યા એ મુદ્દે નવા વળાંકો આવતાં જ રહે છે અને નવી એક વાત એવી છે જેમાં નંદિકા દ્વિવેદી (Nandika Dwivedi) નામની છોકરીનું નામ પણ ચર્ચામાં છે. આ પહેલાં મૅરી ડિકોસ્ટા અને ગુલનાઝ નામની બે છોકરીના નામ પલાશ સાથે લેવામાં આવતા હતા. આ ત્રણેય કોરિયોગ્રાફર છે.

આપણ વાચો: સ્મૃતિ મંધાનાને છેતરી રહ્યો હતો પલાશ મુચ્છલ, મેરી ડિકોસ્ટા નામની મહિલા સાથેની ચેટ છઈ લીક…

જોકે ત્રણેય છોકરીઓ (મૅરી ડિકોસ્ટા, નંદિકા દ્વિવેદી, ગુલનાઝ)એ સોશ્યલ મીડિયામાં સ્પષ્ટતા કરી છે કે સ્મૃતિ-પલાશના પ્રકરણમાં અમારી કોઈ જ રીતે કંઈ પણ ભૂમિકા નથી અને ત્રણેયે વ્યક્તિગત રીતે એવું પણ કહ્યું છે કે પલાશ સાથે તેમનામાંથી કોઈનો ફોટો વાઇરલ થયો હોય એનો અર્થ એવો નથી કે પલાશ સાથે તેઓ રિલેશનશિપમાં છે.

ખાસ કરીને દિલ્હી યુનિવર્સિટીમાં બીકૉમ થયા બાદ ડાન્સ અને કોરિયોગ્રાફીની તાલીમ લેનાર નંદિકાએ ખુલાસામાં કહ્યું છે કે ` સ્મૃતિ-પલાશના લગ્નને લગતા વિવાદમાં કોઈ પણ રીતે મારી ભૂમિકા નથી. મેં કોઈકની રિલેશનશિપ બગાડી નાખી છે એવું જે કહેવાઈ રહ્યું છે એ સાવ ખોટી વાત છે.

નવાઈની વાત એ છે કે આવી આધાર વગરની વાતો બહુ જલદી ફેલાઈ જતી હોય છે. જાહેરમાં આવીને બોલવું મારા માટે સંભવ નથી, પણ હવે સહન નથી થતું. મને ધમકીઓ મળતી હતી એટલે મેં મારું મીડિયા અકાઉન્ટ પ્રાઇવેટ કરી નાખ્યું હતું. પ્લીઝ, મારા વિશેની અફવાઓ-અટકળો ન ફેલાવો. હું કંઈક સપનાં પૂરા કરવી મુંબઈ આવી છું. હકીકત ક્યારેકને ક્યારેક આપોઆપ બહાર આવી જ જશે.’

આપણ વાચો: સ્મૃતિ મંધાના અને પલાશ મુચ્છલના લગ્ન કેમ અચાનક મોકૂફ રાખવામાં આવ્યા?

લગ્ન મોકૂફ કેમ?: ઘણી થિયરીઓ ચર્ચામાં

સ્મૃતિ (Smriti) અને પલાશના ગયા રવિવારના લગ્ન પહેલાં હલ્દી, સંગીત અને મહેંદીની રસમ પૂરી થઈ ગઈ હતી અને લગ્નમંડપની વિધિની રાહ જોવાઈ રહી હતી તેમ જ મહેમાનો સાંગલી પહોંચી રહ્યા હતા, પરંતુ રવિવારે સવારે બે્રકફાસ્ટ વખતે સ્મૃતિના પિતાની તબિયત બગડી જવાથી તેમને હૉસ્પિટલમાં લઈ જવામાં આવ્યા હતા.

તેઓ હળવા હૃદયરોગના હુમલાનો શિકાર થયા હોવાનું મનાતું હતું. જોકે હવે તેમની તબિયત સારી છે અને તેમને હૉસ્પિટલમાંથી રજા અપાઈ છે. બીજી થિયરી એવી પણ છે કે કોરિયોગ્રાફર મૅરી ડિકોસ્ટા સાથેની પલાશની (રૉમેન્ટિક વાતોવાળી) સીક્રેટ ચૅટ રેડિટ પર જાહેર કરવામાં આવતાં શ્રીનિવાસની તબિયત બગડી ગઈ હતી અને સ્મૃતિએ પલાશ સાથેના મૅરેજ મોકૂફ રાખ્યા હતા.

આપણ વાચો: સ્મૃતિ મંધાનાના પિતાને હોસ્પિટલમાંથી રજા મળી: હવે ક્યારે થશે સ્મૃતિ અને પલાશના લગ્ન?

ત્રીજી થિયરી એવી છે કે મૅરી ડિકોસ્ટાએ પોતે જ સ્મૃતિને પલાશથી બચાવવા પોતાની સાથેની તેની (પલાશની) સ્વિમિંગની ઑફરવાળી ચૅટ જાણી જોઈને બહાર પાડી હતી. ચોથી થિયરીમાં એવું જણાવાયું છે કે મૅરી ડિકોસ્ટા સાથેની ચૅટ ધ્યાનમાં આવતાં જ સ્મૃતિના ભાઈએ પલાશ પર હુમલો કર્યો હતો જેમાં પલાશને વાગ્યું હોવાથી સ્મૃતિના પિતા બાદ પલાશ (Palash)ને પણ હૉસ્પિટલમાં લઈ જવામાં આવ્યો હતો.

જોકે પલાશ મુચ્છલના મમ્મી અમિતા મુચ્છલનું મીડિયામાં એવું કહેવું છે કે ખુદ પલાશે જ સ્મૃતિના પિતા શ્રીનિવાસજીની તબિયત બગડતાં લગ્ન મોકૂફ રખાવ્યા હતા, કારણકે પલાશને સ્મૃતિના પિતા પર ખૂબ સ્નેહ છે અને તે એવું માને છે કે તેમની તબિયત બગડી ગઈ હોય એમ છતાં લગ્ન કરવા એ ઠીક ન કહેવાય.

દરમ્યાન, સ્મૃતિ અને પલાશ બન્નેએ ઇન્સ્ટાગ્રામ પર પોતાના અકાઉન્ટમાં ઇવિલ આય (બૂરી નઝર)નું એકસરખું ઇમોજી રાખ્યું એટલે બન્ને વિશેની ચર્ચા વધુ ઉગ્ર બની છે. કોઈકનું માનવું છે કે બન્ને એવું માની રહ્યા હશે કે તેમની છ વર્ષ જૂની મિત્રતા પર કોઈની ખરાબ નજર લાગી ગઈ છે. બીજા કેટલાકનું માનવું છે કે સ્મૃતિ-પલાશ હવે પછી વધુ ખરાબ નજરનો ભોગ ન બને એવું માની રહ્યા હશે.