IPL 2024સ્પોર્ટસ

IPL 2024: ટીમને જીત અપાવનાર શાહબાઝ પર શા માટે થયો હુમલો

સનરાઇઝર્સ હૈદરાબાદે (SRH) શુક્રવારે રાજસ્થાન રોયલ્સને (RR)હરાવીને ફાઇનલમાં જગ્યા બનાવી લીધી છે. આ મહત્વપૂર્ણ મેચમાં હેનરિક ક્લાસને અડધી સદી ફટકારી હતી. બોલિંગમાં ઈમ્પેક્ટ પ્લેયર તરીકે આવેલા શાહબાઝ અહેમદે પણ જીતમાં મહત્વની ભૂમિકા ભજવી હતી. જીત બાદ ટીમના હીરો શાહબાઝ પર હુમલો કરવામાં આવ્યો હતો. ચોંકી ગયા ને…ભઈ તેના પર હુમલો પ્રેમનો અને પ્રસંશાનો થયો છે. તેના સાથી ખેલાડીઓએ તેના પર કેક વડે હુમલો કર્યો હતો.

મેચ બાદ ટીમના ખેલાડીઓ વિજયની ઉજવણી કરતા હોટલ પહોંચ્યા હતા. હોટેલ સ્ટાફે ત્યાં કેકની વ્યવસ્થા કરી હતી. ટીમના સ્ટાર બેટ્સમેન અભિષેક શર્મા અને બોલર શાહબાઝ અહેમદ કેક કાપવા આવ્યા હતા. કેક કાપ્યા બાદ ઉમરાન મલિકે કેકનો મોટો ભાગ કાપીને હાથમાં લીધો હતો.

પાર્ટનરના હાથમાં કેક જોઈને શાહબાઝ અહેમદ થોડો ડરી ગયો. તેણે હસીને કહ્યું કે કોઈએ તેના પર કેક ન લગાવવી જોઈએ. જો કે ત્યારબાદ ઉમરાન મલિકે તેના ચહેરા પર કેક મારી હતી. અન્ય કેટલાક લોકોએ પણ શાહબાઝના ચહેરા પર કેક લગાવી હતી. ત્યારપછી ઉમરાન આવીને કેકના ડાઘાવાળા શાહબાઝને ગળે લગાવ્યા.

શાહબાઝે આ કેક પાર્ટી બાદ કહ્યું કે તે ખુશ છે કે ટીમ ફાઇનલમાં પહોંચી છે અને તે ઇચ્છે છે કે હૈદરાબાદ ટાઇટલ જીતે. મહત્વની મેચમાં શાહબાઝ અહેમદે 4 ઓવરમાં 23 રન આપીને ત્રણ વિકેટ ઝડપી હતી. આ સમયગાળા દરમિયાન તેનો ઈકોનોમી રેટ 5.80 હતો.

શાહબાઝ અહેમદે મેચ બાદ કહ્યું, મારા કેપ્ટન અને કોચે કહ્યું કે તેઓ મારો ઉપયોગ શરતો અનુસાર કરશે. મારું કામ નીચેના ક્રમમાં બેટિંગ કરવાનું હતું. બેટિંગ કરતી વખતે મને ખ્યાલ આવ્યો કે પિચ કેવી રીતે કામ કરી રહી છે. હું ખુશ છું કે મને એક મહત્વપૂર્ણ મેચમાં પ્લેયર ઓફ ધ મેચનો એવોર્ડ મળ્યો. ફાઈનલ જીત્યા બાદ જ ઉજવણી કરીશું.
રવિવારે શાહરૂખ ખાનની ટીમ KKR અને કાવ્યા મારનની ટીમ HRS વચ્ચે ફાઈનલ મેચ રમાશે.

Show More

Related Articles

Leave a Reply

Your email address will not be published. Required fields are marked *

Back to top button
T-20માં વિરાટ કોહલી બાદ ભારતને એક stable captain મળ્યો નથી ફરવા માટે બેસ્ટ છે ગુજરાતના આ પાંચ વેકેશન ડેસ્ટિનેશન… એક વખત જશો તો… પોતાની માતાની સાડી અને દાગીના પહેરીને દુલ્હન બની છે આ સેલિબ્રિટીઝ આ રીતે ઘરે જ બનાવો ઑર્ગેનિક કાજલ