હાર્દિક પંડ્યા માટે સંજય માંજરેકરે આપ્યું મહત્ત્વનું નિવેદન, ડોમેસ્ટિક ક્રિકેટ અંગે કરી વાત

નવી દિલ્હીઃ ક્રિકેટરમાંથી કોમેન્ટેટર બનેલા સંજય માંજરેકરનું માનવું છે કે હાર્દિક પંડ્યાની સ્થાનિક ક્રિકેટ પ્રત્યેની પ્રતિબદ્ધતા અને બીસીસીઆઇ પસંદગી સમિતિમાં થયેલા ફેરફારો નક્કી કરશે કે તે ભારતની મર્યાદિત ઓવરોની કેપ્ટનશીપ માટે લાંબા ગાળાનો વિકલ્પ બની શકે છે કે નહીં.

માંજરેકરે કહ્યું હતું કે બીસીસીઆઇનું નવું મેનેજમેન્ટ અથવા પસંદગી સમિતિ ભારતીય ક્રિકેટના સમીકરણો બદલી શકે છે. દરેકની પોતાની પદ્ધતિ હોય છે. પંડ્યા માટે સતત રમવાની ઇચ્છાશક્તિ બતાવવી મહત્વપૂર્ણ છે.

આ પણ વાંચો: બુમરાહ ફરી છવાયોઃ ICC ટેસ્ટ ક્રિકેટર ઑફ ધ યરનું સન્માન મળ્યું બુમરાહને

તેમણે એક કાર્યક્રમમાં ‘ડીપ પોઈન્ટ’ વિશે કહ્યું હતું કે, “હાર્દિક પંડ્યા ફર્સ્ટ ક્લાસ ક્રિકેટ રમતો નથી પણ જો તે રમશે તો તેનો દાવો વધુ મજબૂત બનશે. પંડ્યા હંમેશા આઇસીસી ટુર્નામેન્ટમાં સારું પ્રદર્શન કરે છે. તે 2019ના વર્લ્ડ કપમાં ઇંગ્લિશ પીચ પર ખૂબ જ અસરકારક રહ્યો હતો.

ભારતના ભૂતપૂર્વ બેટિંગ કોચ સંજય બાંગરનું માનવું છે કે હાર્દિક પંડ્યા વન-ડે ક્રિકેટમાં મહેન્દ્ર સિંહ ધોનીની જેમ ફિનિશર સાબિત થઈ શકે છે. પંડ્યા 50 ઓવરની મેચોમાં ધોનીની જેમ ફિનિશરની ભૂમિકા ભજવવાની નજીક પહોંચી ગયો છે. હાર્દિક પંડ્યા પર ધોનીનો પ્રભાવ સ્પષ્ટપણે જોઈ શકાય છે. આપણે જોયું છે કે તેની પાસે છેલ્લી ઓવરો સુધી ટકી રહેવાની અને મેચ જીતાડવાની ક્ષમતા પણ છે.

આ પણ વાંચો: ‘હાર્દિક્યા-પ્રિન્સુડી’ના વીડિયોએ તો જલસો કરાવી દીધો, ભાઈ…

પંડ્યાએ 16 ટી-૨૦ મેચમાં ભારતનું નેતૃત્વ કર્યું છે. આ પછી પસંદગી સમિતિના વડા અજિત અગરકર અને નવા મુખ્ય કોચ ગૌતમ ગંભીરે સૂર્યકુમાર યાદવને ટી-20 ક્રિકેટનો નવો કેપ્ટન બનાવ્યો હતો.