રોહિત શર્મા અપશબ્દ બોલ્યો? કોના માટે? ક્રિકેટચાહકોમાં ચર્ચા

રાંચીઃ આંતરરાષ્ટ્રીય ક્રિકેટની એક પછી એક ફૉર્મેટમાંથી નિવૃત્તિ લેવામાં રોહિત શર્મા અને વિરાટ કોહલીનો એકમેકને સારો સાથ મળ્યો છે અને હવે તેઓ બન્ને વન-ડે ફૉર્મેટની કરીઅર પર પણ ગમે ત્યારે પડદો પાડી દેશે એવી ઘણાની ભીતિ હશે, પણ હમણાં તેઓ ધમાકેદાર બૅટિંગની મોજ માણી જ રહ્યા છે જેની ઝલક રવિવારે રાંચીમાં સાઉથ આફ્રિકા સામેની સિરીઝની પ્રથમ વન-ડેમાં જોવા મળી જેમાં વિરાટે બાવનમી વન-ડે સદી પૂરી કરી ત્યારે ડ્રેસિંગ-રૂમની બહાર ઊભેલા રોહિતે (Rohit) વિરાટ (Virat)ની આ ધમાકેદાર ઇનિંગ્સથી અતિ ઉત્સાહિત થઈને કોઈકને માટે કંઈક અપશબ્દ (bad word) બોલી દીધો હોય એવું વીડિયો પરથી લાગતું હતું.
રોહિત કોઈક અપશબ્દ બોલ્યો એવું તેણે ફફડાવેલા હોઠ પરથી લાગતું હતું. રોહિતનો આ વીડિયો તરત વાઇરલ થઈ ગયો હતો અને ક્રિકેટચાહકોએ વારંવાર જોયો હતો.
આ પણ વાંચો : કોહલીના રંગમાં ભંગઃ સદીના સેલિબ્રેશન વખતે તેનો ચાહક સલામતી કવચ ભેદીને દોડી આવ્યો અને પગે પડ્યો
What Virat Kohli said with his bat, Rohit Sharma said with his mouth… pic.twitter.com/15eprgKjgx
— Ramesh Srivats (@rameshsrivats) November 30, 2025
રોહિત અને વિરાટ વચ્ચે બીજી વિકેટ માટે 136 રનની ભાગીદારી થઈ હતી. ઘણા સમયથી બન્નેની કરીઅર વિશે ખૂબ ચર્ચા થઈ છે. હેડ-કોચ ગૌતમ ગંભીર સાથે વિરાટનો વર્ષોથી અણબનાવ રહ્યો છે અને તેના કોચિંગ દરમ્યાન જ તેણે પોતાની સૌથી મનપસંદ ટેસ્ટ ક્રિકેટ છોડી છે. બની શકે કે રોહિતે તેના પ્રિય મિત્ર વિરાટની બાવનમી સેન્ચુરીની સિદ્ધિ વખતે કદાચ ગંભીર પર આક્રોશ કાઢતી પ્રતિક્રિયા આપી હશે.
રોહિતની સાથે હવે વિરાટ વિશે પણ એવું મનાય છે કે તેઓ વન-ડેમાં અસલ ફૉર્મ બતાવીને રિટાયરમેન્ટ જાહેર કરી દેશે. જોકે ક્રિકેટ બોર્ડની ઇચ્છા તો છે કે બન્ને મહારથી 2027ના વન-ડે વર્લ્ડ કપ સુધી ટીમ ઇન્ડિયા સાથે જોડાયેલા રહે.



