વડોદરા: ટીમ ઇન્ડિયાની ન્યૂ ઝીલૅન્ડ સામેની વન-ડે સિરીઝ (series)ની શરૂઆતની તૈયારી થઈ રહી હતી ત્યાં ટીમને એક મોટો ઝટકો લાગ્યો હતો. વિકેટકીપર-બૅટ્સમૅન રિષભ પંત ઈજાને લીધે સિરીઝની બહાર થઈ ગયો છે.
રિષભ પંતના સ્થાને ધ્રુવ જુરેલ (Jurel)ને 15 ખેલાડીઓના સ્કવોડમાં સમાવવામાં આવ્યો છે. જોકે ટીમમાં વિકેટકીપર-બેટ્સમેન કે. એલ. રાહુલનો પણ સમાવેશ પહેલેથી જ છે. જુરેલ હજી સુધી એક પણ વન-ડે નથી રમ્યો. તેણે ડોમેસ્ટિક ક્રિકેટમાં છેલ્લી સાતમાંથી છ ઇનિંગ્સમાં 50-પ્લસ રન કર્યા હતા.
રિષભ પંત (Pant)ને શનિવારે પ્રેક્ટિસ દરમ્યાન કમરના સ્નાયુઓમાં તેમ જ પેડુમાં દુખાવો શરૂ થતા તેણે છેવટે આ શ્રેણીમાં ન રમવાનું નક્કી કર્યું હતું.
તાજેતરમાં જ રિષભ પંતની કેપ્ટન્સીમાં દિલ્હીની ટીમે વિજય હઝારે વન-ડે ટૂર્નામેન્ટની ક્વૉટર ફાઇનલમાં પ્રવેશ કર્યો હતો.
