રાજકોટઃ અહીં રણજી ટ્રોફી (Ranji trophy)ના બીજા રાઉન્ડમાં પ્રથમ દિવસે મધ્ય પ્રદેશ સામે સૌરાષ્ટ્ર (Saurashtra)એ પ્રથમ બૅટિંગમાં આઠ વિકેટે 258 રન કર્યા હતા જેમાં ચિરાગ જાનીના 82 રન હાઇએસ્ટ હતા.
રવીન્દ્ર જાડેજા (36 રન) ઉપરાંત બીજો કોઈ પણ 40 રન સુધી નહોતો પહોંચી શક્યો.
મધ્ય પ્રદેશના કુમાર કાર્તિકેયે ચાર વિકેટ લીધી હતી. આ મૅચ માટેની સૌરાષ્ટ્રની પ્લેઇંગ ઇલેવનમાં ધર્મેન્દ્રસિંહ જાડેજાનો સમાવેશ નથી.
અન્ય કેટલીક રણજી મૅચોની સ્થિતિ આ મુજબ હતીઃ (1) વિઝિયાનગરમમાં આંધ્ર સામે બરોડાના છ વિકેટે 230 રન. (2) કોલકાતામાં ગુજરાત સામે બેન્ગાલના સાત વિકેટે 244 રન. ગુજરાતના સિદ્ધાર્થ દેસાઈએ ત્રણ વિકેટ લીધી. (3) મુંબઈમાં છત્તીસગઢ સામે મુંબઈના અજિંક્ય રહાણે (રિટાયર્ડ હર્ટ)ના 118 રન અને સિદ્ધેશ લાડના 80 રન સહિત પાંચ વિકેટે 251 રન.
