વિરાટ કોહલી રણજીના મેદાનમાં ઉતર્યો; આ App પર Freeમાં જોઈ શકાશે Railways vs Delhiની મેચ
દિલ્હી: આજે ગુરુવારથી રણજી ટ્રોફી 2024-25 ના ગ્રુપ સ્ટેજની છેલ્લી મેચોની શરૂઆત (Rajni Trophy) થઇ છે. એવામાં સૌની નજર દિલ્હી અને રેલવેની ટીમ વચ્ચે રમાઈ રહેલી મેચ (Railways vs Delhi) છે, કેમ કે આ મેચમાં ભારતીય ક્રિકેટ ટીમનો સ્ટાર બેટર વિરાટ કોહલી (Virat Kohli) દિલ્હી તરફથી રમી રહ્યો છે.
કોહલીના ચાહકો ઉમટ્યા:
આ મેચ દિલ્હીના અરુણ જેટલી ક્રિકેટ સ્ટેડિયમમાં આયોજિત થઈ રહી છે. જેને કારણે કોહલીના ચાહકો મેદાનમાં ઉમટ્યા છે, ચાહકોને આશા છે કે વિરાટ આ મેચમાં મોટી ઇનિંગ રમીને ટીકાકારોને જવાબ આપશે. દિલ્હીએ ટોસ જીતીને બોલિંગ કરવાનો નિર્ણય લીધો.
વિરાટનું ફોર્મ:
વિરાટ કોહલી છેલ્લા કેટલાક સમયથી ટેસ્ટ ક્રિકેટમાં સારું પ્રદર્શન કરી શક્યો નથી. રણજી ટ્રોફી દરમિયાન તે ફોર્મ પાછું મેળવવા પ્રયત્ન કરશે. વિરાટ કોહલીએ 12 વર્ષથી વધુ સમય બાદ રણજી ટ્રોફીમાં રમી રહ્યો છે. વિરાટે છેલ્લે નવેમ્બર 2012 માં ઉત્તર પ્રદેશ સામે છેલ્લીવાર રણજી મેચ રમી હતી.
રણજી ટ્રોફીમાં વિરાટ કોહલીના આંકડા પર એક નજર કરીએ તો, તેણે 23 મેચોમાં 50.77 ની એવરેજ થી 1,574 રન બનાવ્યા છે. વિરાટ કોહલીએ રણજીમાં કુલ 5 સદી નોંધાયેલી છે.
આ એપ પર જોઈ શકાશે મેચ:
દિલ્હી અને રેલવે વચ્ચે રમાઈ રહેલી આ રણજી મેચ ફ્રીમાં જોઈ શકાશે, આ મેચનું ફ્રી લાઇવ સ્ટ્રીમિંગ Jio Cinema App એપ અને વેબસાઇટ પર થઇ રહ્યું છે.
વિરાટ કોહલીને રમતા જોવા માટે ચાહકો મોટી સંખ્યામાં સ્ટેડિયમ પહોંચ્યા છે. સ્ટેડિયમમાં દર્શકોને પ્રવેશ મફત છે, 10,000 દર્શકોને જ મેચ જોવાની મંજૂરી આપવામાં આવી છે.
દિલ્હીના કેપ્ટન આયુષ બદોનીએ શું કહ્યું:
ટોસ જીત્યા બાદ દિલ્હીના કેપ્ટન આયુષ બદોનીએ કહ્યું કે પીચમાં ઘાસ અને ભેજને ધ્યાનમાં રાખીને, તેઓ પહેલા બોલિંગ પસંદ કરશે. બદોનીએ કોહલી વિશે કહ્યું, “અમારી ટીમમાં કિંગનું હોવું એ ઉત્સાહની વાત છે.”
આ પણ વાંચો…રાષ્ટ્રીય રમતોત્સવના આરંભમાં 14 વર્ષની સ્વિમર ધીનિધિ છવાઈ ગઈ…
દિલ્હીની પ્લેઇંગ-11:
અર્પિત રાણા, સનત સાંગવાન, યશ ધુલ, વિરાટ કોહલી, આયુષ બદોની (કેપ્ટન), પ્રણવ રઘુવંશી (વિકેટકીપર), સુમિત માથુર, શિવમ શર્મા, નવદીપ સૈની, મણિ ગ્રેવાલ, સિદ્ધાંત શર્મા.
રેલ્વેની પ્લેઇંગ-11:
અંકિત યાદવ, વિવેક સિંહ, સૂરજ આહુજા (કેપ્ટન), ઉપેન્દ્ર યાદવ (વિકેટકીપર), મોહમ્મદ સૈફ, ભાર્ગવ મેરાઈ, કર્ણ શર્મા, રાહુલ શર્મા, હિમાંશુ સાંગવાન, અયાન ચૌધરી, કુણાલ યાદવ.