ગોલ્ડ માટે ફેવરિટ સાત્વિક-ચિરાગની જોડીએ નિરાશ કર્યા

પૅરિસ: એશિયન ગેમ્સની વર્તમાન વિજેતા જોડી અને કૉમનવેલ્થ ગેમ્સમાં ગોલ્ડ મેડલ જીતી ચૂકેલા સાત્વિકસાઇરાજ રૅન્કીરેડ્ડી તથા ચિરાગ શેટ્ટીએ ગુરુવારે પરાજિત થઈને કરોડો ભારતીય ચાહકોને નિરાશ કર્યા હતા.

સાત્વિક-ચિરાગની જોડી ગોલ્ડ મેડલ જીતવા માટે ફેવરિટ હતી, પરંતુ ક્વૉર્ટર ફાઇનલમાં મલેશિયાના સ્પર્ધકો સામે તેમનો ભારે રસાકસી બાદ 21-13, 14-21, 16-21થી પરાજય થયો હતો.

આ પણ વાંચો: મહિલા બૉક્સિંગનો બાઉટ શરૂ થયો ને 46 સેકન્ડ પછી ઇટલીની સ્પર્ધકે ચાલતી પકડી!

આરૉન ચિયા અને સોહ વૂઇ યિકની જોડી વર્લ્ડ નંબર-થ્રી છે. સાત્વિક-ચિરાગની જોડીએ આ મુકાબલા પહેલાં સતત ત્રણ જંગમાં આ મલેશિયન જોડીને હરાવી હતી, પણ પૅરિસમાં તેઓ તેમની સામે પરાજિત થયા હતા.

ભૂતપૂર્વ વર્લ્ડ નંબર-વન જોડી સાત્વિક-ચિરાગ તેમની સામે ત્રણ વખત જીત્યા હતા એ પહેલાં આઠ વાર સાત્વિક-ચિરાગે તેમની સામે હાર સહન કરવી પડી હતી.

ગુરુવારે પ્રથમ ગેમ હાર્યા બાદ મલેશિયન જોડીએ ભારતીય જોડીની નબળાઈઓ યાદ રાખીને તેમને બાકીની બે ગેમમાં હરાવી દીધા હતા.