![Olympics 2024 opening ceremony highlights team india](https://bombaysamachar.com/wp-content/uploads/2024/07/team-india-paris-olympic-2024.webp)
પૅરિસ: ફ્રાન્સના પાટનગર પૅરિસમાં શુક્રવારે ઑલિમ્પિક ગેમ્સની અવિસ્મરણીય, અદ્વિતીય, અદભુત, અકલ્પનીય, અણમોલ, અસાધારણ ઓપનિંગ સેરેમની યોજાઈ હતી. ઑલિમ્પિક્સના સવાસો વર્ષના ઇતિહાસમાં પહેલી વાર સ્ટેડિયમની બહાર પ્રારંભિક સમારોહ યોજીને ફ્રાન્સે વિશ્વના આ સૌથી મોટા રમતોત્સવની ઓપનિંગ સેરેમનીના આયોજનમાં નવો ચીલો પાડ્યો છે.
![](https://bombaysamachar.com/wp-content/uploads/2024/07/paris-olympic-2024-9-1024x682.jpeg)
પૅરિસમાં એફિલ ટાવરની નજીક વિખ્યાત સેન નદી પરના પુલ પર તેમ જ આસપાસના ભાગોમાં અને ઇમારતોની બાલ્કનીઓમાં લાખો લોકો જમા થયા હતા અને તેમણે તેમ જ ટીવી પર કરોડો દર્શકોએ સાડા ચાર કલાકનો આ યાદગાર સમારોહનો બેનમૂન નજારો માણ્યો હતો.
![](https://bombaysamachar.com/wp-content/uploads/2024/07/paris-olympic-2024-10-1024x683.jpeg)
ઓલિમ્પિક્સમાં ભાગ લઈ રહેલા ભારત સહિત 206 દેશના ઍથ્લીટોને સેન નદીની પરેડમાં અલગ-અલગ લૉન્ચમાં અને બોટમાં લાવવામાં આવ્યા હતા. દરેક લૉન્ચ-બોટમાંના ઍથ્લીટો ખૂબ રોમાંચિત હતા અને ઉત્સાહભેર પરેડમાં ભાગ લીધો હતો અને આસપાસના લાખો પ્રેક્ષકોએ તેમનું પૅરિસમાં ભવ્ય સ્વાગત કર્યું હતું.
| Also Read: ભારતના 21 નિશાનબાજો મેડલના 12 વર્ષના દુકાળનો અંત લાવી શકશે?
![](https://bombaysamachar.com/wp-content/uploads/2024/07/paris-olympic-2024-1-1024x576.jpeg)
ખેલાડીઓની પરેડ બાદ રંગબેરંગી લાઈટ્સ, બલૂન અને અગન જવાળા સાથે ઠેર ઠેર સ્ટેજ શૉ યોજાયો હતો.
આધુનિક ટેક્નોલોજીથી બનાવેલો મિકેનિકલ હોર્સ, લૅડી ગાગા તથા અન્ય સેલિબ્રિટી સિંગર્સ અને એકટર્સના પર્ફોર્મન્સ આ સમારોહની વિશેષતાઓ હતી.
![](https://bombaysamachar.com/wp-content/uploads/2024/07/paris-olympic-2024-2.jpeg)
![](https://bombaysamachar.com/wp-content/uploads/2024/07/paris-olympic-2024-7-1024x682.jpeg)
| Also Read: Paris Olympics 2024: ઓલિમ્પિકના ઉદઘાટન સમારોહ પૂર્વે પેરિસમાં હાઇ-સ્પીડ રેલ નેટવર્કમાં તોડફોડ
ફ્રાન્સ અને યુરોપની પ્રાચીન અને વર્તમાન સંસ્કૃતિને તેમ જ એકતા, ઓલિમ્પિક્સ યોજવા પાછળના ઉદેશને આ સમારોહમાં આવરી લેવાયા હતા.
![](https://bombaysamachar.com/wp-content/uploads/2024/07/paris-olympic-2024-6-1-1024x682.jpeg)
ફૂટબોલર ઝીનેડીન ઝિદાન, રાફેલ નડાલ, સેરેના વિલિયમ્સ, એમેલી મોરેસ્મો, કાર્લ લુઇસ વગેરે લેજન્ડરી ખેલાડીઓના ઓલિમ્પિક મશાલ સાથેના પર્ફોર્મન્સને લીધે આ સમારોહને ચાર ચાંદ લાગી ગયા હતા.
![](https://bombaysamachar.com/wp-content/uploads/2024/07/paris-olympic-2024-4-1024x682.jpeg)
![](https://bombaysamachar.com/wp-content/uploads/2024/07/paris-olympic-2024-3-1024x682.jpeg)
| Also Read: Paris Olympics 2024: ખરાખરીના ખેલોત્સવનાં ઐતિહાસિક ઓપનિંગની ઘડીઓ ગણાઈ રહી છે…
ફ્રાન્સના પ્રમુખ મેક્રોને ઑલિમ્પિક્સના આરંભ માટે લીલી ઝંડી બતાવી હતી અને છેલ્લે ઇકો-ફ્રેન્ડલી ઑલિમ્પિક કોલ્ડ્રોને એફિલ ટાવર નજીકનાં અવકાશમાં ઉડાણ ભરી હતી. એ સાથે ઐતિહાસિક સમારોહ પૂરો થયો હતો.